بالصورة.. مينا عطا يفاجئ جمهوره بخبر خطوبته

أعلن الفنان الشاب مينا عطا، لجمهوره أنه أحتفل أمس بخطوبته وكان هذا الخبر بمثابة مفاجأة لمحبيه، وبعد ذلك أنهالت تعليقات المتابعين متمنين له أن يعيش حياه سعيدة، حيث قام عطا، بنشر صورة جديدة تجمعهما من الإحتفال وذلك علي حسابه الرسمي عبر موقع الصور الشهير "انستجرام" وعلق عليها قائلاً: "فاكرين يوم ما غنيت في ستار أكاديمي الإيڤال الرابع بتاع الأمنيات أغنية لا تروحي وكانت أمنيتي أن البنت الوحيدة اللي حبتها في حياتي ترجعلي ونكمل حياتنا سوا الحمدالله من نعم ربنا عليا أنهاردة أني أقدر أقول أننا رجعنا لبعض وأتخطبنا كمان وفرحنا بأذن الله قرب أولاً عاوز دعوة حلوة منكم لينا".
وأضاف: "وثانياً هما كلمتين أفضل من 200 عشان مبحبش أطول لو ليك هدف أمنية حلم أمسك فيه بأديك وسنانك وأوعي تقول مستحيل أو مش هيحصل لأن ربنا كبير أوي وعالم بنيتك وحالك وبيديك دايمآ اللي أنت محتاجه والمناسب ليك في الوقت المناسب".
وأختتم حديثه: "أما بالنسبة للعشر سنين حب واللي أستحملتني كتير ووقفت جنبي زمان كتير أوي قبل أي شهرة وقبل أي حاجة أيام بجد ما كانت الحياه سودة ومتقفلة في وشي ومش عارف أحقق أي حاجة أحب أقولك لو لفيت الدنيا كلها والله العظيم ما هلاقي زيك وعمري ما حبيت ولا هحب ولا عرفت حب بجد يعني ايه غير معاكي انتي كل حاجة في حياتي بحبك".