كهربا يوجه رسالة عتاب لجماهير القلعة البيضاء

قام محمود عبد المنعم كهربا، صانع ألعاب فريق اتحاد جدة السعودي، والمعار من صفوف نادي الزمالك، بالرد على انتقادات جماهير القلعة البيضاء له خلال الساعات الماضية، والتي قامت جماهير نادي الزمالك بانتقاده، بسبب بعض التصريحات التليفزيونية، والتي اختار خلالها لاعبي النادي الأهلي كأفضل لاعبين في مصر خلال الفترة الحالية، متجاهلًا لاعبي الزمالك.
ونشر كهربا عبر حسابه الرسمي على موقع التواصل الاجتماعي "انستجرام" صور له بقميص نادي الزمالك ومع جماهير القلعة البيضاء، معلقًا عليها كالآتي:
"ابدأ بايه ولا ايه يا جماهير الزمالك يالى فى كل مكان بقول دول وحشونى ،، سبتوا كل ذكريات دامت بنا علي مدار الموسم بحلوها و مرها و الي انا بعتبره كان من احلي مواسم حياتي ،، ومسكتوا فى تصريحات قلتها امبارح .. انا والدى ربانى على الصراحة ربانى على اللى فى قلبى على لسانى مربنيش اضحك على ناس بكلمتين مزيفين من ورا قلبى هو فى حد فى الدنيا عارف هيحصلوا ايه فى يوموا ربنا هو اللى عالم بكل واحد واللى فى قلبوا عمرى مهزعلكوا علشان انتو عارفين انا بحبكوا ازاى وعارفين ان انتوا اللى عاملتوا محمود كهربا هفضل اقولها " نادى الزمالك " هو اللى عمل محمود كهربا وعمرى مهنسي فضلكم عليا بس انا مسامح كل واحد غلط فيا علشان بعشقكم افتكروا حاجة واحدة بس انى انا اخترت نادى الزمالك من البداية ❤ ربنا يعلم انى كل كلمة من دول من قلبى والله".
ومن المقرر أن يعود كهربا لصفوف نادي الزمالك خلال فترة الانتقالات الصيفية المقبلة، إلا في حالة الاتفاق بين مسئولي القلعة البيضاء واتحاد جدة على استمراره بالنادي السعودي.