رسالة قاسية من ريهام أيمن لجمهورها بشأن نجلها تعرف عليها

عبرت الفنانة المعتزلة ريهام أيمن، عن إستيائها بشأن طلب جمهورها المستمر في رؤية وجه نجلها رمزي، حيث قامت بنشر صورة جديدة تجمعهما علي حسابها الرسمي عبر موقع الصور الشهير "انستجرام" وعلقت عليها قائلة: "هو أنا بطلب أشوف ولاد أي حد فيكو أو ولاد أي مشاهير حتي أكيد لأ عشان مش من حقي".
وأضافت: "لما تحب فنان أنت بتحبه هو لفنه و أعماله اللي بتشوفها و لما تحب تشوف صور هتبقي ليه هو مش لولاده أنا ابني مش فنان ولا مشهور عشان تحبو تشوفو صور ليه علي صفحتي أنا لما يكبر و هو ياخد قرار انه عايز يبقي مشهور هتشوفو صور ليه علي صفحته الشخصية إن شاء الله".
وآشارت: "لكن أنا مبخفش من الحسد و مفيش حد هيحسد فنان بيحبه بالعكس هيفرحله و يتمناله الخير هو و ولاده و ده اللي انا متأكده منه، ياريت و أنت بتكتب تعليق لأي فنان حط نفسك مكانه الأول هتلاقي إن أنت نفسك متقبلش حد يقولك تعمل إيه و متعملش إيه في حياتك الشخصية بمعني أدق الغير فنية و إن ده الأكاونت بتاعك أنت تنزل اللي أنت عاوزه طالما مش بتضر حد و اللي مش عجبه حاجة أو مستفز من شئ بسيطة بس يعمل مسح أسهل من أنه يكتب تعليق".
وأختتمت: "ربنا يخليلكو ولادكو اللي أكيد كلهم حلوين أوى و يحفظهم لكم دايماً من كل شر و يشفي كل الأطفال المرضي و يعين أهاليهم أمين يا رب مع حبي و إحترامي للجميع".