كيف يحب طفلك الطعام

أبنى مش عايز ياكل كثيرا ما نسمع هذه الجملة،لأن تقريبا أغلب الأطفال مش بيحبو ياكلو ،حتى اللى بيحب الأكل فى مرحله معينه من عمره ،بعد كده ممكن تلاقى طفلك أسلوبه أتغير فى الأكل وبقى مش عايز ياكل .
أولا: لازم ماتطغطيش على أبنك فى الأكل ،وفى نفس الوقت لازم ياكل.
وهنا لازم تمنعى الحلويات فى البيت الشوكلاته والشيبس والحاجات دى ،وتبقى موجوده لمجرد المكافأه بكميه بسيطه بعد الغدا بس،ماينفعش تبقى بعد الفطار او العشا
لأن لو أكل اى نوع حلوى بعد الفطار طبيعى مش هيقدر يتغدى ،وماينفعش تديله اى حاجه بعد العشا حفاظا على اسنانه،وعشان يقدر يفطر تانى يوم ،وصدقينى رغم انه هينام ساعات طويله ،لكن الحلوى اللى ممكن ياكلها بالليل هتأثر على فطاره تانى يوم ،وفى نفس الوقت عشان مايبقاش أتعشى وأكل حلوى وهيبقى كده الأكل تقيل عليه بالليل .
ثانيا: نظمى مواعيد أكل طفلك ،ماينفعش النهارده يتغدى الساعه خمسه ،وبكره يتغدى الساعه 2 ماينفعش خالص .
ثالثا: مافيش حاجه اسمها انا مش بحب الأكل ده ،أوعى تقولى كده قدامه وأوعى هو يسمعها من حد ،لأن ممكن يقولها حتى لو هو ممكن ياكل الأكل ده ،والأكلات اللى أبنك ممكن يكون مش عايز ياكلها النهارده ممكن ياكلها بكره ،لأن شهيه الطفل بالذات متقلبه،فحاولى معاه كل فتره ،ماتقوليش لأه هو مش بيحب ده فامش هياكله ،أو هو نفسه على طول مسدوده، وماتلجأيش لفواتح الشهيه ،لأن لو أديتله فاتح شهيه هتلاقى أكل وفاتح الشهيه جاب نتيجه ،لكن بعد كده جسمه هياخد عليه
وشهيته مش هتبقى طبيعيه ،وعلى فكره أغلب الأطباء مش بيرضو يكتبه للأطفال فواتح شهيه، ولو الأم ألخت بيكتبله فيتامين ويفهمها انه فاتح شهيه ،وفى أطباء تانيه بتكتب عادى فواتح شهيه ،بس ما أنصحكيش بيه ،وحاولى تخليه ياكله بطبيعته.
رابعا:طبعا كل أم عارفه أهتمامات أبنها أيه او بيحب أيه،يعنى مثلا لو مرتبط باللعبه معينه مش بيقدر يسيبها،أو بيحب يتفرج على حاجات معينه بالتلفزيون أو الكمبيوتر ،أستغلى النقطه دى وانتى بتأكليه ،قعديه قدام الحاجه اللى بيحبها وأكليه وهو مندمج فيها،ولو مارضيش خديها منه، ولازم يكون جعان وانتى بتأكليه عشان ياكل كويس .
خامسا:الأكلات الصحيه اللى أبنك مش عايزه ياكلها ممكن تدخليها فى حاجات تانيه
يعنى مثلا الألبان ،ممكن تعوضيها بالزبادى المهلبيه الأرز باللبن،والخضروات ممكن تقدميها ليه ياكلها طازه مش لازم تطبخ،وممكن تقطعيها على أشكال حيوانات
وتقدميله طبقه على أنك هتلعبى معاه ،وأعمليله حركات فى الطبق تفتح نفسه
ويخليه يحس ان وقت الأكل ده هو وقت اللعب ،وخلى بالك مش كل يوم وكل شويه تعمليله حركات فى الطبق،عشان مايملش ويبقى الموضوع عنده بقى عادى ،والنقطه دى انا كنت بعانى منها مع بنتى .
سادسا:متقارنيش بين أبنك وطفل تانى ،لأن كل طفل بيختلف عن التانى فى النمو
ومش معنى ان أبنك نحيف وطفل تانى سمين ،يبقى أبنك صحه مش كويسه،بالعكس خااالص
الطفل السمين غالبا بيكون بالشكل ده بسبب،أكلات مش مظبوطه بياكلها ،زى الوجبات الدسمه اللى ممكن تكون مش مناسبه لعمره ،وأكل الحلوى بشكل مستمر
أو اللبن الصناعى ،فبتالى هيكون سمين صحيح بس جمسه مش سليم ونقصه فيتامينات
عكس الطفل اللى وزنه معتدل ،وأهم حاجه من اول ماطفلك يتولد، الرضاعه الطبيعيه ولمده سنتين ،بلاش نظام كفايه 6شهور ،هيضرك ويضر طفلك،ولما تبتدى تدخليله أكل ،يبقى خضار وفاكه مهروسن ،لحد ما يكبر ،لازم تحافظى على الأكل الصحى لأبنك ،ولازم وزنه يكون معتدل ،وتكونى متأكده ان مافيش فيتامينات ناقصه
وان جسمه سليم، ولازم تتابعى وزنه بشكل مستمر.