وائل غنيم يطالب الشباب بالانسحاب من محيط وزارة الدفاع

طالب الناشط السياسى وائل غنيم فى رسالة للشباب المصرى على مواقع التواصل الاجتماعى " الفيس بوك " بالانسحاب من ميدان العباسية مشيرا الى انه مع فكرة الاعتصام لكن في نفس الوقت ضد الاعتداء على المتظاهرين.
قال فيها :مش تناقض إني أكون مؤيد للثورة ومش مؤيد في وقت ما لتصرفات الثوار .. أيوه ينفع أكون مش .
وقال:"مش غلط إني أطالب المتظاهرين بالانسحاب من مكان ما ولا أؤيدهم في تصعيدهم بس أدافع عنهم بكل ما أستطيع لو تم إصابتهم أو تعرضت حياتهم للخطر .. أيوه أنا مؤمن إن الصوت العالي مش دائما شجاعة وكمان مؤمن إن الصمت مش دائما حكمة .. أيوه ينفع أدعم المعتصم.. بس لما أشوفهم يرتكبوا أي خطأ من وجهة نظري أنتقدهم عليه في العلن لأن ده اللي بنطالب بيه من يحكمنا واحنا أولى بكده".
وأضاف:"أيوه أنا شايف إن ثورتنا ثورة سلمية وهي ثورة أخلاق ضد فساد استشرى وعشان كده أنا ضد أي انحراف عن مسار الثورة السلمي ومتمسك بأخلاق الثورة حتى وإن كان البعض شايف إن ده مثالية حمقاء .
وتابع:"حملة الإرهاب الفكري بالشتائم والتخوين والألفاظ التي تطالني وتطال أهلي لن توقفني عن أن أقول ما استقر ضميري أنه الصواب سواء أعجبكم أم لم يعجبكم! أيوه هاقول كلمة حق لسلطان جائر وهاقول كلمة حق لجمهور ثائر" .