الفنان أحمد جمال ل موقع " الجمعه " ضحكه الا تلت شخصيه مختلفه فى كل حلقه

أجرى الفنان أحمد جمال حوار ل موقع " الجمعه " عن برنامجه الجديد " ضحكه الا تلت " والذى يعرض على قناه موجه كوميدى والذى جاء كأتى :
ما هو سبب تحول الفنان احمد جمال من الغناء الى الاعلام ؟
هو مش تحول بالمعنى يعنى انا مطرب وهفضل اكيد فى الغناء لكن انا اتعرض عليا فكره البرنامج ولقيته برنامج كويس وانا لسه فى بدايه حياتى الفنيه فلقيته اضافه كبيره ليا .
من أول من عرض عليك فكره البرنامج ؟ وهل تعتبر انها اضافه لك ؟
أول من عرض عليا ، هو السينارست احمد خلف ، سينارست البرنامج ، وقالى انا عاوزك لتقديم برنامج لانك شخصيه وسيمه وموهوبه ، وان شاء الله تكون اضافه ليا ، ويعرفنى بالناس أكتر. ممكن تحدثنا عن مضمون البرنامج ؟ البرنامج اسمه " ضحكه الا تلت " برنامج حوارى بشكل كوميدى ، كل يوم نستضيف شخصيه فى مجال مختلف ونتكلم عن موضوع الحلقه بس بشكل كوميدى ، مثلا اول حلقه هستضيف دكتور نفسانى هيكلمنى ازاى بيعالج المرضى النفسيين بس بشكل كوميدى ، وكل حلقه شخصيه مختلفه البرنامج 30 حلقه ، اتمنى أنها تنال اعجاب المشاهدين .
ما هى اخر اعمالك الفنيه ؟
اخر أعمالى أنا بجهز لاغنيه وطنيه اسمها " قالو عنها " كلمات والحان عمرو بلتاجى وتوزيع محمد هياتمى ، ، وبجهز لتصوير كليب بعنوان" كان بينا نصيب " وكمان فى دويتو مع فنانه شابه انشاء الله قريب ، طبعا بجانب تقديم للبرنامج .
هل تشارك فى الاراء السياسيه التى تخص الدوله ؟ وما هو رايك السياسى ؟
مفيش حد دلوقتى مش بيشارك فى السياسه خصوصا بعد االثوره ، كان حلمنا فى الثوره عيش حريه . عداله اجتماعيه . كرامه انسانيه ، للاسف هو مازال حلم . وده بسبب سياسات الاخوان الغير مجديه وبسبب تكويش على السلطه ، احنا شيلنا نظام كان مكوش على كل حاجه ، مش معقول هنرجع تانى نظام بيكوش ، للاسف طول ما الاخوان ماشيين بسياسه الصوت الواحد عمرنا ماهنتقدم خطوه واحده .
انا اتمنى ان يكون فى حوار فعال مع المعارضه وخصوصا شباب الثوره علشان نتقدم خطوه ، وانا متخوف من 25 يناير الجاى ، ربنا يعديها على خير .
ما هى امنياتى الفنان احمد جمال ؟
أمنياتى اولا انى احقق طموحى فى الفن وأكون مطرب كبير يشرف مصر كلها وبفنى ، وأن أعمل ديتو مع الفنانه التى اعشقها ، صوت مصر المطربه شيرين عبد الوهاب .


رابط اغنيه " كان بينا نصيب "
http://www.youtube.com/watch?v=xbWxckrpN8M