البنية الأساسية والاهتمام بالتكنولوجيا.. أبرز رسائل الرئيس السيسي اليوم

خلال الدقائق القليلة الماضية، قام الرئيس عبد الفتاح السيسي بافتتاح مركز البيانات والحوسبة السحابية الحكومية، وخلال هذا الافتتاح وجه الرئيس السيسي مجموعة من الرسائل المهمة.

تجهيز البنية الأساسية
قال الرئيس عبد الفتاح السيسي، إن مصر لها موقع جيد جدا، ويمكن الاستفادة منه، حيث بدأت الدولة المصرية منذ سنوات في مشروع الكابلات البحرية، حيث تعتبر مصر محور رئيسي في نقل البيانات بين الشرق والغرب.
أكمل السيسي، أنه لا بد لمصر كدولة أن تجهز البنية الأساسية للحفاظ على دور الدولة كنقطة رئيسية لنقل البيانات في العالم، مضيفا: "أنفقنا أرقام كبيرة جدا مليارات الدولارات.. في ناس ممكن تقول صرفتوا ده كله عشان إيه، إحنا كمواطنين نستفاد إيه".
وأضاف، "إحنا استفدنا إننا جهزنا بلدنا للانطلاق الحقيقي بمنتهى السرعة في كل المجالات.. قبل ما نعمل هذه المراكز كنا بنودي بياناتنا برة وده نظام موجود، ولكن قولنا بياناتنا تكون عندنا ونوفر التكلفة".
إنشاء رقمنه في مصر
أوضح الرئيس عبد الفتاح السيسي، أنهم عملوا على تحقيق الريادة في مجال تكنولوجيا المعلومات عند إنشاء العاصمة الإدارية، مؤكدا أنهم حرصوا على إنشاء رقمنه في مصر تحقق المطلوب حتى لا نكون متخلفين عن الآخرين.
لفت السيسي، إلى أن كفاءة العمل ودقة العمل أصبحت أكبر من السابق، مؤكدا أن شبكة البيانات تم تأمنيها بالكامل، منوها بأنه عندما عرض عليه تخطيط إنشاء مدينة العدالة في العاصمة الإدارية طلب أن تكون رقمية، وتم إجراء تعديلات لهذا الأمر.
أستكمل، "في ناس ممكن تقول بتصرفوا فلوس كتير له.. هو إحنا عندنا خيار تاني، يا إما نكون زي مخاليق ربنا في الدنيا يا إما نكون متخلفين.. نعمل إيه حنا دولة مش غنية".
الاهتمام بالتعليم التكنولوجي
شدد الرئيس عبد الفتاح السيسي، على أهمية الاهتمام بالتعليم التكنولوجي، مضيفا مخاطبا المواطنين، "بدخلوا أولادكن آداب وتجارة مع كامل التقدير لهذه الكليات، طب هيطلع يشتغل إيه، والابن يكون زعلان مني ومن الحكومة".
خاطب الرئيس عبد الفتاح السيسي، المواطنين قائلًا: "لو موقفتوش مع أولادكم يا مصريين من وهما في ابتدائي وإعدادي عشان يتعلموا الكلام ده فرص إننا نكون أغنياء هتكون قليلة".

وأضاف السيسي، "دا أنا بقولك على حاجة هتشتغلها وأنت في بيتك وتعملك 20 ألف دولار شهريا"، مؤكدا أن الدولة تولي اهتمام كبير بقطاع التعهد في المدارس والجامعات، متابعا: "عندنا 25 مليون طالب في التعليم الأساسي مفيش حد يقول عندنا الولد الفلاني خدوه علموه الكلام ده.. عشان ننقيهم وندربهم".
وتابع، "أنتم مش شايفين إننا ظروفنا صعبة ولا ايه.. أنا بكلمكم عشان أنتم أهي وناسي ودي بلدنا كلنا، اللي معمول ده فوق خيالكم من ناحية التقدم، وبلد زي مصر متعملهوش لأنها غلبانة هتجيب منين ولكن عملناه، في حاجات معمولة تحت الأرض متضربش بأي نوع من القنابل"
وأشار إلى أن هناك دول عدد سكانها قليل جدا ولديها عدد كبير من الكادر العاملة في مجالات التكنولوجيا، مضيفا، "إحنا 105 مليون نسمة نطلع من كل مليون ألف يعملون في قطاعات التكنولوجيا.. اللي عليا بفضل الله بعمل اللي محدش يفكر فيه كمسئول في الدولة، لو كنت مسيت على المسار قبل 2018 مكنتش هعمل كده خالص هجيب منين".
واستطرد، ""في ناس بتقول ده مالهوش لازمة.. هم إنتم مش عايزين نحلم لبلادنا تاخد مكانة تليق بها".

تكلفة تطبيق منظومة الميكنة للمستشفيات في مصر
وجه الرئيس عبد الفتاح السيسي، سؤالا إلى وزيري الصحة والاتصالات بشأن تكلفة تطبيق منظومة الميكنة للمستشفيات في مصر.
وقال الرئيس السيسي، خلال تفقد مركز البيانات والحوسبة السحابية الحكومية، "تصوركم لو هنعمل البنية الأساسية المميكنة للمستشفيات.. المستشفى الواحدة هتكلف كام.. والكلام ده مش هيطلع، نسجله بس مش هيطلع".