بوسي عن طليقها وليد فطين: كان ماسكلي شغلي.. مكنتش رايحة لنصر محروس ولا محسن جابر

نفت المطربة الشعبية بوسي، اتهام طليقها الراحل وليد فطين وشقيقتها لها بأنها استغلته وأنه تسبب في ظهورها على الساحة الفنية، قائلة: "الناس بتقول ده كان المنتج وهو اللي عملها، أنا مش جاية لنصر محروس ولا محسن جابر، أنا اتعرفت عليه لأنه كان بيشغل نمر في شارع هرم، مكنش منتج ولا حاجة".
قصة تعارف بوسي ووليد فطين

وأضافت «بوسي»، في حوارها مع الإعلامية بسمة وهبة، مقدمة برنامج «العرافة»، على قناة «النهار»: «كنت أعمل في الزقازيق ونصحوني هناك بالتعامل مع وليد فطين، قابلته على أساس إنه يمسك لي شغلي في شارع الهرم مش رايحة شارع الهرم، وقالي إنه كان مطلق أم ابنته التي كانت تعمل راقصة، لكنها تابت الآن وأصبحت منقبة وتربي ابنتها».

وتابعت: «كان ابن آدم طماع وقالوا له إني هبقى نجمة ولف عليا وتزوجني وعرف يوقعني لأني كنت عيلة صغيرة وكان عمري 19 سنة وياخد كل قرش مني، وأكبر دافع لقبولي الزواج منه هو رغبتي في الهروب من سيطرة خالي واستغلاله لي لأنه كان واخد كل شقايا، وعشان أهرب منه رحت للأسوأ مني».
أحدث أعمال بوسي

طرحت الشركة المنتجة لمسلسل "أعلي نسبة مشاهدة" تتر المسلسل والذي قامت الفنانة بوسي بغنائه وجاء التتر يحمل اسم "وبقينا في دنيا تلاهي"، وأغنية مسلسل "أعلى نسبة مشاهدة" من كلمات محمود عليم وألحان إيهاب عبدالواحد، توزيع شادي جوزيف.

كلمات تتر مسلسل "أعلي نسبة مشاهدة"

بقينا في دنيا تلاهي
دوشة وعيون باصة جوه الشاشات
وللأسف الزمن اتغير كانت كله بايعها كله كاشات.
وكدة مش واخدين بالنا حالنا
ووضع عيالنا عامل بيسوء ده زمانهم عكس زمانا
احنا في كارثة مش هنفوق.
الدنيا خلاص ماشية تريندات
فضايحنا تجيب أعلى مشاهدات
شوف منى وراح شوف مين في جراح
حتى وجعنا بيتذاع على البعض
التربية بقت موضة سودة جوة الأوضة
ابنك ضاع
حاول منه تقرب جرب
سيبه عايش كده في صراع
أكل العيش آه حاجة صعبة لكن
لأجل ضنايا كله يهون
لو ضاعت منا عيالنا والله
ما هيعوضها فلوس الكون