"سقطت في اختبارات قسم المسرح ودخلت في اكتئاب وبطولة بالطو تجربة مرعبة ".. أبرز تصريحات عصام عمر

حل الفنان عصام عمر ضيف على برنامج "صاحبة السعادة"، الذي تقدمه الإعلامية إسعاد يونس على شاشة قناة Dmc، والذي كشف خلاله عن معاناته مع دخوله الوسط الفني والتمثيل وتفاصيل مشاركته في بالطو وحقيقة انتاج جزء ثاني من العمل.
قصة عصام عمر مع المسرح

بدأ عصام عمر في حكي قصته مع المسرح، حيث قال: سقطت في اختبارات قسم المسرح ودخلت في اكتئاب وقولت مش همثل تاني لكن في ناس كتير شافوا فيا الموهبة واتوسطولي أعيد الاختبارات تاني وبعدها نجحت، وكنت دايما بسمع جملة عادي ما الموهبين كتير اشمعنا انت هتعمل حاجة وبعد 6 سنين محاولات حسيت إن ده مش مكاني؛ لأن مكنش بيجيلي مشهد واحد.
سفر عصام عمر إلى أمريكا

وتابع:"سافرت أمريكا ومعملتش حاجة ومكنش معايا فلوس ولا شغل وخوفت ارجع يقولوا يعني حتى هناك معملتش حاجة، كانت حياتي ادور على شغل الصبح وارجع بالليل أبات عند صحبي، وبعدها صحبي لقالي شغل في مكان خوفت منه أو ي وقالولي في 3 ظباط مقتولين هنا وكانت المنطقة دي من أخطر المناطق في نيويورك، وبعدين قولت هروح أعمل قصة، وعرضوا عليا أعمل في أمريكا لكن قولت لا مش عايز، أنا عايز أعمل للناس في مصر اللي بفهمهم وبيفهموني، وببقى في قمة ساعدتي وأنا بفترج على فيلم بيلمس حياتي فأكيد في ناس كتير كده".
تجربة عصام عمر في أول بطولة لعمل درامي

وكشف عصام عمر عن تجربة بطولته لمسلسل "بالطو "، قائلًا: "تجربة مرعبة كنت عامل أدوار صغيرة مع مخرجين حلوين جدا ومتدارية في النجوم، لكن مسلسل نازل فيه لوحدي دي حاجة ترعب، لكن أنا وعمر كنا دماغنا واحدة وفاهمين بعض وعارفين احنا هنشتغل منين".

وتابع: "أنا واثق في عمر جدًا وعاطف شاطر جدًا فكنت أنا العنصر الأقل فيهم، ودي تجربة صديق أي شاب كان هيبقى منور أكتر مني كان هيعمل نتيجة حلوة، وقولت ل عمر لا، لكن هو رفض وقال إن واتش ات متحمسة جدًا".

فكرة جزء ثاني من مسلسل بالطو

وأكد عصام عمر، أنه حتى الآن لم يعرض عليه فكرة إنتاج جزء ثاني من مسلسل بالطو، أما بشأن ارتباطه فقال: مش مرتبط ولا هرتبط لأني مركز في شغلي الفترة دي، وأنا هقف على رجلي وبعدين ابقى افكر.
نجوم مسلسل بالطو

شارك في بطولة مسلسل بالطو عدد كبير من الفنانين وضيوف الشرف ومنهم: مريم الجندي، عارفة عبد الرسول، عصام عمر، محمد محمود، محمود حافظ، دينا سامي، بالإضافة إلى عدد من ضيوف الشرف "محمد رضوان، خالد الصاوي ومحمد لطفي ومحمود البزاوي".
قصة مسلسل بالطو

دارت أحداث مسلسل بالطو حول الطبيب عاطف كامل محمد ويجسد شخصيته الفنان الشاب عصام عمر، أنه بعد تخرجه جاء تكليفه أن يكون طبيبًا في أحد المراكز الطبية في قرية ريفيه بمحافظة كفر الشيح، وبالفعل يذهب ليقوم بمهام عمله ولكن يتفاجأ بأن يصبح هو مدير الوحدة الصحية بعد وفاة المدير الرئيسي، ليمر بالعديد من المواقف والمفارقات الكوميدية.