بعد تصدره التريند.. تامر عاشور يستعد لطرح أحدث أعماله الغنائية الجديدة "اصحى للكلام"

كشف النجم تامر عاشور، من خلال تصريحات صحفية عن أحدث أعماله الغنائية الجديدة، والتي تحمل إسم "اصحى للكلام" من كلمات محمد مصطفى ملك وألحان محمود أنور وتوزيع محمد مجدى، ومن المقرر طرحها خلال الفترة المقبلة وتحمل عدد من المفاجآت.

أبرز تصريحات تامر عاشور مؤخرا

وفي سياق منفصل، تصدر اسم الفنان تامر عاشور تريند محركات بحث جوجل نظرا لظهوره الاخير من خلال برنامج "حبر سري"، الذي تقدمه الاعلامية أسما إبراهيم.

ونفى تامر عاشور، ارتباطه بعلاقة عاطفية مع ممثلة حاليا، وحضور عيد ميلادها.

وقال: "الإشاعة بالنسبة لي هي إني حضرت عيد ميلاد".

وأضاف: "مفيش أي علاقة عاطفية، وأنا مش بحب أتواجد في أعياد الميلاد والأفراح، لكن لو عزاء لازم أروح".

يأتي ذلك بعد تأكيد كل من تامر عاشور وسمر أبو شقة انفصالهما رسميا بالطلاق، بعد خلاف استمر بينهما لسنوات.

وتابع: "أنا مش مع أي شخص يطلع يقرر قرار اللي هو احنا الموسيقى عندنا انهارت، احنا الموسيقى عندنا رجعت، دا مش بتاع أشخاص.. ومفيش شخص يشوف أن الموسيقى انهارت".

وقال:" الموسيقى زي الفل، واحنا طول عمرنا عندنا فنانين كتير جدا، وأنا بيصعب عليا يطلع حد مصري، يتكلم ويقعد يقول احنا عندنا الصناعة انهارت، طب ما أنت في الصناعة !.

تامر عاشور يوجه رسالة قوية ل عمرو مصطفى

وأوضح:" عمرو مصطفى شخص ابديت جدا، المزيكا بتاعته ناجحة جدا على مر التاريخ مع فنانين كبار وكتير، وتجربة الذكاء الاصطناعي ولا هتنجح ولا هتشوف نور".

آخر أعمال تامر عاشور

وطرح تامر عاشور، مؤخرا أغنية بحبك وخايف عبر قناته على اليوتيوب والأغنية من كلمات محمد الشافعى، وألحان إسلام رفعت، وتقول كلمات الأغنية:
بحبَك وخايف نقرب.. نضيع.. بحبك.. وعارف.. بإنه استحاله
بحبَك وآسف.. خدتني الجلاله.. انا وانتَ حالة.. رفضها الجميع!
بحبَك بقولها.. وجوايا حرب
بقولها ف ضميري..آجي انطقها صعب
ده موقف مصيري..بيعملي رُعب
شوفها فى عنيا.. فى رعشة ايديا..تلاقيها حيّه.. فى قلبي الخجول
طب اقرا الرسايل..هتلاقيني قايل..بإني بحبك..ما بين السطور
دي واضحة ف كلامي.. وباينه ف سلامي..يا كل اهتمامي.. وأكبر همومي
بخاف يوم ما أقولها..متلعبش دورها..تموت من جذورها..وأموت من ظنوني
بحبَك وساكت.. مبجيبش سيرة.. بحبَك وفاهم.. دي كلمة تقيلة
ولو حتى هي.. تبانلَك عادية..شوفها بعنيا .. تبان مستحيلة