عماد الطيب: "هذه رسالتي ل الشباب الذين يضطروا إلى خيانة أصدقائهم.. ودور 'زياد' لم يؤثر على نفسيتي لهذا السبب" (خاص)

وجه الفنان عماد الطيب رسالة خاصة في حوار خاص مع "الفجر الفني" إلى الشباب والأصدقاء الذين قد يضطروا إلى خيانة أصدقائهم تحت أي ظرف أو تبرير منهم، وكشف لنا عن السبب الذي لم يجعله يتأثر نفسيا بتجسيد دور "زياد" في مسلسل "حرب"، وهذا ما سترصده السطور التالية.

عماد الطيب: أتمنى الشباب يكون لديها وعي كافي

وجه "الطيب" رسالة ونصيحة خاصة لهؤلاء الشباب الذين يضطروا إلى خيانة أصدقائهم تحت أي مسمى منهم، فقال: "رسالتي ونصيحتي للشباب اللي هم اضطروا يخونوا أصدقائهم، والله الخيانة عامة في كل الأديان وفي كل المجتمعات وفي كل الأعراف حاجة يعني مكروهة ومذمومة ومينفعش أصلا نتكلم عنها بشكل غير إنها اللي بيعملها ده بيبقى عنده مشاكل في الشخصية ونقص في التربية، نقص في الدين، نقص في الفهم، نقص في الوعي، فأتمنى إن كل الشباب في الفترة دي يبقى عندها الوعي الكافي إنها متقعش في فخ الخيانة سواء خيانة الوطن أو الصديق أو القريب أيا كان، فيارب الناس كلها يبقى عندها الوعي ده وكل الناس تبقى بتحب بعض ومتكاتفة وفي ضهر بعض ده هيخلي مجتمعنا أفضل والمجتمع المصري هيبقى أحسن بكتير طبعا".
عماد الطيب

عماد الطيب في مسلسل حرب
عماد الطيب: لم أتأثر نفسيا بدور زياد لشيء تعلمته

وأضاف "الطيب" في حديثه عن التأثيرات النفسية عليه من دور "زياد" نافيا أنه لم يتأثر منه لسبب ما، فقال: "والله لا مكنش له تأثير نفسي عليا لأن أنا اتعلمت حاجة من شغلي إنه أعرف افصل كويس أوي مابين الشخصية اللي أنا بعملها أبعاد وتاريخ وتفاصيل ومابين شخصية "عماد"، طبعا بيبقى في وجه تشابه في بعض الحاجات اللي ليها علاقة بطريقة التعامل الطبيعي أو شكل التعامل الطبيعي ولكن زياد مبيفكرش زي عماد وعماد مبيفكرش زي زياد، والاتنين مبيتكلموش بنفس الطريقة، والأيديلوجوية بتاعتهم مختلفة، كل واحد عنده الأيديولوجية بتاعته وعنده الفكر بتاعه العقائدي أو الإجتماعي فهم مش شبه بعض خالص، فمأثرش عليا الحمدلله دي حاجة، الحاجة التانية كان عاملي ضغط أوشعور بالتوتر اه وده هنرجعه لنفس النقطة بتاعت أنه أنا كنت عامل دور قبل كده في الاختيار 2 خوفت أنه يلتبس على الناس الدورين في نفس التفاصيل فده اللي كان مسببلي الضغط والتوتر أكتر من إن الشخصية تكون عملتلي ضغط أو توتر عشان خاطر أنا قربت منها أوي، لا بعرف أحافظ كويس أوي على المسافة بين الشخصية اللي أنا بقدمها وما بين شخصيتي الحقيقية ولكن كان عاملي توتر في أنه ألمس في شخصية كريم".
عماد الطيب
عماد الطيب: ردود أفعال المقربين والجمهور على الأداء أسعدتني

وتابع "الطيب" الحديث عن الدور بإضافة ردود أفعال المقربين منه والجمهور على أدائه الذي تخوف من تشابهه مع دور "كريم حمدي حمزة"، فقال: "
والله بالنسبة لموضوع إنه الناس إزاي كان ردود أفعالها كانت على الدور، عايز أقولك إن المقربين والجمهور وعامة الناس حتى اللي بقابلهم عادي والله أنا بقيت مبسوط جدا من ردود أفعالهم مش عشان أنا عملت الدور كويس وعجبهم، بالعكس عشان الناس بقى عندها وعي فني في إن هم يفهموا ويتذوقوا ويقدروا يميزوا اللي عامل الدور حلو بغض النظر عن شخصيته إيه وهو مين وكينونته عاملة إزاي وما بين الأداء الفني اللي هو عمله في المسلسل، فأنا الحمد لله أنا ردود الأفعال كلها كويسة وفرحتني جدا يعني كل الناس كانت شايفة إن زياد ده شخص حقيقي، وإن الدور معمول بطبيعية والحمدلله اجتهادي مرحش على الفاضي والناس حسته فدي حاجة بسطتني جدا".