بعد الهجوم الحاد.. رانيا عبد المنصف توجه رسالة ل رحمة أحمد: أعداء النجاح كتير وأنتِ نجحتي ولسه هتنجحي..(حوار)

وجهت الفنانة رانيا عبد المنصف رسالة خاصة بعد الهجوم الحاد على دور مربوحة إلى الفنانة رحمة أحمد في مسلسل "الكبير أوي 7" وإساءة البعض في الأداء وكشفت عن رأيها في الدور والمسلسل والأداء في حوار خاص مع "الفجر الفني" وهو ما نرصده لكم في السطور التالية.

رانيا عبد المنصف ل رحمة أحمد: أحب أوجه لها رسالة.. ماذا قالت؟

حرصت الفنانة رانيا عبد المنصف على توجيه رسالة خاصة إلى صديقتها الفنانة رحمة أحمد وذلك عقب أزمتها مع ناقدي دور مربوحة في مسلسل "الكبير أوي 7" فقالت: "أحب أوجه لرحمة رسالة، اثبتي ويا جبل ما يهزك ريح، وأعداء النجاح كتير، أنتي نجحتي ولسه هتنجحي ولسه عندك، أتمنى تاخدي الطوب ده وتبني بيه وتقفي عليه وتاخدي من النقد البناء اللي يفيدك من الكومنتات ده خديها، والنقد الهدام ولا كأنك شوفتيه حقيقي لأن أعداء النجاح كتير، ومش كل الناس قلوبها صافية".
الفنانة رحمة أحمد
وتابعت قائلة: "مش كل الناس بتحب الخير لغيرها فأتمنى ده ميأثرش عليها وأتمنى إن هي تعدي المحنة ده وتتعلم منه ومتسمعش لكلام الناس الهدامة ده، وأتمنالها كل خير وكل نجاح إن شاء الله في اللي جاي وتبقى محطة كده".

رانيا عبد المنصف ل الفجر الفني: رحمة جميلة ودمها خفيف وسكر

أشادت الفنانة رانيا عبد المنصف في الفنانة رحمة أحمد فقالت: "رحمة جميلة ووشها ماشاء الله جميل، ومن الناس اللي تحبي تبصيلها ودمها خفيف، أنا شوفتلها مسرحية اسمها دي چافوه كانت سكر خالص، وفي مسرحيات كتيرة عملتها مع صلاح الدالي أيام الجامعة جميلة، دمها شربات، حرام ويارب ميأثرش فيها الكلام الجارح ده".


رانيا عبد المنصف ل الفجر الفني: بتفرج على الكبير أوي وأنا بفطر ومش عاجبني الهجوم على رحمة أحمد

وتابعت الفنانة رانيا عبد المنصف حديثها عن المسلسلات التي ستشاهدها بعد انتهاء شهر رمضان فقالت: "بتفرج على الكبير أوي وأنا بفطر عاجبني لدلوقتي ومش عاجبني الهجوم الغير شريف على رحمة أحمد، لإنه ا ممثلة حلوة جدا، حتى لو حد شايفها متوفقتش ميبقاش بطريقة الدبح، بالطريقة ده والحكم مش من أول حلقتين حرام".
الفنانة رانيا عبد المنصف
رانيا عبد المنصف ل الفجر الفني عن رأيها في أزمة رحمة أحمد: معتقدش الهجوم ده صدفة

وأضافت الفنانة رانيا عبد المنصف رأيها في ما حدث من هجوم على الفنانة رحمة أحمد في دور مربوحة في الموسم الجديد من مسلسل "الكبير أوي 7" فقالت: "معتقدش الهجوم ده صدفة، لأن تداول الكلام كان كوبي بيست في نفس الصفحات اللي أشادت بها في الموسم اللي فات، وحتى لو حد معجبوش ممثل ميبقاش كده، كل الصفحات فجأة شايفة أنها مبوظة الحياة وهم هم نفس الصفحات! ليه! أنا شايفة إن ده ممنهج، حتى لو شايفينها أنها السنة اللي فاتت أفضل مش كده، ده نقد هدام مش نقد أصلا، ده هدم مجهود وثقة شخص في نفسه يعني كلام بيأذي ويوجع، ده شر أنا مش شايفة أن ده نقد".
رانيا عبد المنصف عن النقد السلبي في دور مربوحة ( رحمة أحمد) ل الفجر الفني: ده مش نقد.. النقد توجيه وليس هدم
وأكدت الفنانة رانيا عبد المنصف في حديثها عن الفنانة رحمة أحمد أن هذا ليس نقدا من أجل التوجيه بل من أجل الهدم وشرا فقالت: "أنا مش شايفة إن ده نقد، النقد ده توجيه واستفادة من اللي هيتقال علشان التجنب، لكن ده مش حاساه شيء بريء، مش حاساه آراء جمهور عادي! مين اللي كان بيحتفي بيها السنة اللي فاتت".
الفنانة رحمة أحمد والفنان رانيا عبد المنصف
آخر أعمال الفنانة رانيا عبد المنصف

وجديرا بالذكر أن آخر أعمال الفنانة رانيا عبد المنصف هو مسلسل الصفارة الذي يعرض حاليا على شاشة تليفزيون قناة dmc في تمام الساعة 8 مساء يوميا.