مابين مؤيد ومعارض.. رحمة أحمد فرج "مربوحة" حديث السوشيال ميديا

في الساعات القليلة الماضية، مابين مؤيد ومعارض لموهبة رحمة أحمد فرج الشهيرة ب مربوحة، أصبحت حديث السوشيال ورواد مواقع التواصل الإجتماعي والأكثر رواجًا على موقع الفيسبوك، تدوالت بعد المنشورات مابين مؤيد لموهبتها ومن يرى أنها حملة ضدها ولجان إلكترونية ومابين مهاجم لها وينتقد أدائها.

مؤيد ومهاجم ل مربوحة
وقد أنتشر منشور عبر صفحات موقع التواصل الإجتماعي فيسبوك محتواه "انا ممكن اسامح اي حد والله الا إلى دخل البت دي مسلسل الكبير وبوظلنا مسلسل الطفوله
مش عارف مين إلى فهمها إنه ا لما تصوت كل شويه بصوتها المسرسع دا وتعمل ريأكشنات غريبه بوشها ان دي حاجه تضحك".

دفاع زملائها عن مربوحة
وهناك من دافع عنها من زملائها وأصدقائها في الوسط الفني، منهم الفنان عمرو وهبة وكتب منشور عبر حسابه الشخصي على موقع فيسبوك قائلًا لها: طبعًا انتى الناس شايله همك وبيدافعو وبتاع وميعرفوش انك واقفه زى الجبل فى المطبخ بتلفى محشى عادى جدًا..
وكما علق الفنان محمد جمعة على الهجوم عليها قائلًا: طب انا ممكن اسامح اي حد
الا اللي يقول الكلام ده رحمه احمد موهبه عظيمه احنا كسبناها وانا من اشد المعجبين بيها"
كما هاجمت الفنانة هاجر عفيفي منتقديها بمنشور كتبته عبر حسابها الشخصي على فيسبوك وقالت: اقسم بالله عيب وحرام اللي بيحصل ده تعب ناس وشقاها علي نفسها بيضيع عشان شوية مدعيين مش عاجبهم وبيدفعوا فلوس عشان يوقعوهم
حملات تشويه وحملات تفخيم وكلها بقت ماشية كده طيب اتقوا الله انتوا في رمضان
ضمايركم مرتاحة ازاي يا جماعة بجد ؟
طيب بتحسوا بالنجاح ازاي وانتو دافعين الفلوس دي كلها عشان الناس تتكلم عنكم وتطلعوا تريند
ده مبقاش فن ده بقا شغل عصابات واللي يدخل وسطيكم يفن يتاكل".
وعلق أيضًا كريم فهمي على ذلك بمنشور عبر حسابه الشخصي على موقع فيسبوك: "اللجان مرعبه والله مرعبة، لو مش قادر خلاص ادفع عشان اللجان تشكر فيك بس امانه عليك بلاش تأذي ممثل أو ممثله في رزقه، هقولها تاني وتالت وعاشر، اتنافسوا بشغلكوا مش بلجانكوا".
كما علق هشام إسماعيل على الهجوم عليها قائلًا: مواطن جميل شاف الكبير 6: مربوحة دى جبارة عسل هى فى الجزء الجديد ؟؟
نفس المواطن قرا بوست على صفحة شهيرة قابضة بكومنتاتها الموجهة زى برونو ساڤيو كده مابيفكرش مرتين
المواطن الجميل بيشوف الكبير 7: ايه الرخامة والزعيق ده ؟!
طب اصبر حتى لما يعدى اسبوع هو احنا ح ناخدك غياب

رأي الجمهور في شخصية مربوحة
وكان للجمهور رأي آخر منهم مؤيد لها وكان من ضمن التعليقات: "فنانه جميله وبحبها، ع فكره رحمه ممثله شاطره جداا وبإذن الله تبقي احسن من الجزء إلى فاتفنانه جميله وبحبها، -مربوحة-
رحمة أحمد مش بييجي منها كتير والله، دي ممثلة عبقريه والهجوم عليها دليل علي روعتها ونجوميتها، الحقيقة انا مش شايفه إنه ا بتسرسع ولا بتعمل حركات تضحك بالعافيه هى وشها بيضحك فطبيعي هضحك لما اشوفها زى أى ممثل كوميدى دون ما يتكلم أول ما تشوفه هتضحك لأنك اتعودت على كده وبعدين لو بتزعق أو بتنفعل طبعا الدور عاوز كده طبيعى".
ومنهم من هاجمها وإنتقد طريقة أدائها وتعبيرات وجهها: "ممثلة فشلة ومبوظة المسلسل لا تصلح اقسم بالله بجد حرام تمثل، لا هى بصراحه يانجم مش بتعرف تمثل كوميدي وبتتصنع ودمها مش حلو خالص سواء الجزء ده أو اللي قبله وانا مش بغلط فيها دى الحقيقه، لأ هي من الجزء اللي فات كده وأحنا شايفين ان دمها يلطش".