بعد أزمتها.. رانيا عبد المنصف ل الفجر الفني: أشاهد "الكبير" والعمل عظيم ورحمة أحمد لا تستحق هذا النقد

كشفت الفنانة رانيا عبد المنصف خلال الحوار الخاص مع الفجر الفني عن المسلسلات التي تشاهدها حاليًا إلى جانب المسلسل التي تشارك فيه "الصفارة"، وخلال السطور التالية نرصد عن أسماءهم وآرائها في الأبطال وخاصة مع الفنانة رحمة أحمد.

رانيا عبد المنصف ل الفجر الفني عن مشاهدة مسلسلات رمضان: بتابع بعد رمضان والشهر ضيق

تحدثت الفنانة رانيا عبد المنصف عن المسلسلات التي تتابعها خلال شهر رمضان فقالت ل الفجر الفني: "بتابع الصفارة عشان شغلي، وبتابع بعد رمضان عشان بيبقى عدد من الحلقات مع بعض وشهر رمضان وقته ضيق أوي، لو تابعت مسلسل أو اتنين الشهر هيروح مني، فبتمنى نلحقه كشهر فضيل وبعدها في كام مسلسل بفكر أتفرج عليهم".

رانيا عبد المنصف ترد على سؤال الفجر الفني بأسماء المسلسلات التي ترغب في رؤيتهم

أجابت الفنانة رانيا عبد المنصف ل الفجر الفني عن أسماء المسلسلات التي ستتابعهم بعد انتهاء شهر رمضان فقالت: "مسلسل تحت الوصاية لمنى زكي عايزة أتابعه، وسره الباتع، بتفرج على الكبير أوي، وعايزة اتفرج على وعود سخية لحنان مطاوع لاني بحبها، رشيد، سوق الكانتو، الهرشة السابعة".

رانيا عبد المنصف ل الفجر الفني: بتفرج على الكبير أوي وأنا بفطر ومش عاجبني الهجوم على رحمة أحمد

وتابعت الفنانة رانيا عبد المنصف: "بتفرج على الكبير أوي وأنا بفطر عاجبني لدلوقتي ومش عاجبني الهجوم الغير شريف على رحمة أحمد، لإنها ممثلة حلوة جدا، حتى لو حد شايفها متوفقتش ميبقاش بطريقة الدبح، بالطريقة دي والحكم مش من أول حلقتين حرام".
الفنانة رانيا عبد المنصف من مسلسل الصفارة
رانيا عبد المنصف ل الفجر الفني عن رأيها في أزمة رحمة أحمد: معتقدش الهجوم ده صدفة

وأضافت الفنانة رانيا عبد المنصف رأيها في ما حدث من هجوم على الفنانة رحمة أحمد في دور مربوحة في الموسم الجديد من مسلسل "الكبير أوي 7" فقالت: "معتقدش الهجوم ده صدفة، لأن تداول الكلام كان كوبي بيست في نفس الصفحات اللي أشادت بها في الموسم اللي فات، وحتى لو حد معجبوش ممثل ميبقاش كده، كل الصفحات فجأة شايفة أنها مبوظة الحياة وهم هم نفس الصفحات! ليه! أنا شايفة إن ده ممنهج، حتى لو شايفينها أنها السنة اللي فاتت أفضل مش كده، ده نقد هدام مش نقد أصلا، ده هدم مجهود وثقة شخص في نفسه يعني كلام بيأذي ويوجع، ده شر أنا مش شايفة أن ده نقد".
الفنانة رحمة أحمد
رانيا عبد المنصف عن النقد السلبي في دور مربوحة ( رحمة أحمد) ل الفجر الفني: ده مش نقد.. النقد توجيه وليس هدم
وأكدت الفنانة رانيا عبد المنصف في حديثها عن الفنانة رحمة أحمد أن هذا ليس نقدًا من أجل التوجيه بل من أجل الهدم وشرا فقالت: "أنا مش شايفة إن ده نقد، النقد ده توجيه واستفادة من اللي هيتقال علشان التجنب، لكن ده مش حاساه شيء بريء، مش حاساه آراء جمهور عادي! مين اللي كان بيحتفي بيها السنة اللي فاتت".
الفنانة رانيا عبد المنصف
رانيا عبد المنصف ل الفجر الفني: ممكن أحداث المسلسل كده والأحداث اللي شغالة ريتمها كده

وأوضحت الفنانة رانيا عبد المنصف حقيقة ما قيل تبعا لرأيها الشخصي في أزمة الفنان رحمة أحمد فقالت: "أنا شايفة الأحداث اللي شغالة دلوقتي ريتمها كده، فحرام تشيل شيلة مش بتاعتها، في ناس مش عاجبها أداءها اوكي مش لازم تعجب الكل، كل واحد حر والفن أذواق، مشكلتي مع الإساءة الشديدة اللي تهد متبنيش، ومن نفس الصفحات اللي كانت بتشيد بيها السنة اللي فاتت، شيء مش لطيف أبدا وظالم".

رانيا عبد المنصف ل الفجر الفني: رحمة أحمد فنانة جميلة جدا وحرام اللي بيحصل

واختتمت الفنانة رانيا عبد المنصف حديثها في رأيها عن أزمة الفنانة رحمة أحمد فقالت: "أنا كمان عارفة رحمة كاريكاتيرها على مسرحية وفي ناس اشتغلوا معاها بيقولوا ده مبينش ربع موهبتها هي فنانة جميلة جدا فحرام إننا نقتل وجه جديد بالطريقة البشعة ده".