فتوح أحمد ل "الفجر الفني": مهرجان القاهرة للدراما بادرة أمل للارتقاء بمستوى المسلسلات.. ويكشف أعماله الجديدة (حوار)

ممثل بارع أثبت نفسه في الكثير من الأعمال الدرامية له طابع خاص ومميز أعماله تنوعت بين الدراما التلفزيونية والأفلام السينمائية وأيضا المسرحيات كما أنه عمل رئيس البيت المصري للمسرح وأشهر أعماله ذئاب الجبل ومسلسل الوتد وغيرهم الكثير من الأعمال، حديثنا عن الفنان فتوح أحمد.
التقى "الفجر الفني" بفتوح أحمد، في حوار خاص عن رأيه في مهرجان القاهرة للدراما وأعمال الجديدة وأقرب الأعمال التي قدمها لقلبه وأشياء أخرى كثيرة، وجاء نص الحوار كالآتي:-

ما رأيك في مهرجان القاهرة للدراما؟


"أنا شايف المهرجان حاجة كويسة جدا لأن في أعمال هتقيم والي بيعملوا الأعمال دي هيحسوا إن في تقييم ليهم فنحاول نرقى بالدراما للأحسن وتكون في خدمة المجتمع فعلا ما دام هيبقى في تحكيم وهيبقى في ناس بتشوفوا ومتخصصين فأعتقد دي أول سنة السنه دي فهتكون بادرة أمل في أن تعود الدراما إلى أصلها".

هل من وجهة نظرك أن مهرجان القاهرة للدراما قد تأخر؟

المهرجان كان موجودا بالفعل في وقت سابق.. لكن توقف فترة، مضيفا: "هو فعلا أتأخر طبعا.. بس أن تأتي متأخرا خيرا من لا تأتي أبدا.. وهما كويس أنهم فكروا والسنين اللي فاتت طبعا كانت الظروف صعبة أوي أن يقام مهرجان فالحمد لله بدءنا نمشي في طريق صح وبدأت كل حاجة ترجع لأصلها إن شاء الله فمش مشكلة تأخير أكتر من أننا نتلافى العيوب التي كانت من قبل".


ما أفضل مسلسلات رمضان 2022 من وجهة نظرك؟

في مجموعة مسلسلات كويسة أوي في الحقيقة (الاختيار 3 ) طبعا في منطقة تانية خالص وكذلك (جزيرة غمام) و(رانيا وسكينة) مش عايز أخص حاجة بس ده إلى قدرت أتفرج عليهم وأغلبها أعمال متنوعة ومختلفة.

ما هي أعمالك الجديدة اللي تحضر لها الفترة القادمة؟

إن شاء الله هبدأ الأسبوع الجاي مسلسل (بيت فرح) مع المخرجة شيرين عادل وبطولة فتحي عبدالوهاب وهيتعرض الشهر الجاي علطول.


ماهي الكلمة التي تحب أن توجهها للفنان يحيى الفخراني؟

"دكتور يحيى ده حبيبي أساسا.. وبقوله ربنا يوفقك وغبت عننا السنة إلى فاتت أنا كنت معاه السنه إلى قبل إن شاء الله يرجعلنا السنه دي لأنه عملاق من عمالقة الدراما الحقيقة وهو مابيعملش الحاجة إلا وهو مقتنع بيها فإن شاء الله يعودلنا السنة دي بحاجة يمتع بيها الجمهور ويمتعنا بيها".

ما هي كواليس العمل مع يحيى الفخراني في مسلسل نجيب زاهي زركش؟


"اشتغلت مع محترف بجد محترف تمثيل اللوكيشن هادي جدا وهو قبل ما بيدخل العمل بتبقى كل حاجة مظبوطة فلا يوجد أي مجال لخلافات وقبل ما بيدأ بروفات كل واحد بيبقى عارف دوره عامل ازاي فلا يوجد مجال للمشاكل وهو قاضي على ده وعالطول مبتسم وهو ماشي بنظام السيستم".

ما أقرب أعمالك المقربة لقلبك؟

"هناك أعمال كنت مش متفائل ومتشائم منها عملت رد فعل عالي جدا فأنا مش عايز أحكم يعني مثلا (الوتد) و(ذئاب الجبل) دي من الأعمال إلى كنت متشائم منها جدا إلى الآن عاملة رد فعل أما مسلسل (نجيب زاهي زركش) بالرغم من أني كنت ضيف شرف إلا أن عاجبني جدا بس الحكم بيكون للناس أحنا ساعات حكمنا على الأعمال بيكون مختلف شوية أو بنفلسف الأمور شوية بس أنا حظي إن أغلب الأعمال الدرامية إلى عملتها ناجة جماهيرية وبحب الأعمال إلى بعملها تكون صادقة تكون جاية من قلب الناس