خاص.. أيمن القيسوني: متوقع عالمية مهرجان القاهرة للدراما وهذه أعمالي الجديدة "حوار"

عرف كعارض أزياء ومقدم برامج وكان أول ظهوره في كليب أصالة ثم بعد ذلك كليب أنغام "سيدي وصالك" له طابع خاص في أختياره لأدواره، عرف بأدوار اشر وتألق في مسلسل يوتيرن، حديثنا عن الفنان أيمن القيسوني
التقى "الفجر الفني" ب انجم أيمن القيسوني في حوار خاص عن رأيه في مهرجان القاهرة للدراما وعن أعماله الجديدة وعلاقته بالنجوم يوتيرن وأشياء أخرى كثيرة، وإلى نص الحوار:-

ما رأيك في مهرجان القاهرة للدراما؟

لحد دلوقتي المهرجان حلو جدا من أول ما دخلنا من الباب شايفين حاجه حلوة

كيف تجربتك في دراما رمضان 2022 بمسلسل يوتيرن؟


أولا أستاذ جمال العدل هو إلى رشحني للمسلسل وبوجهله تحية كبيرة

كيف كانت كواليس مسلسل يوتيرن؟

كان قدام الكاميرا ضرب وخناق بس وراء الكواليس كنا كلنا بنحب بعض وأصحاب جدا مع بعض وقال مازحا أنا لحد دلوقتي مستني حجازي كنا المفروض نيجي مع بعض فبقينا جروب لذيذ وبنحب بعض بجد

هل تخوفت من تقديمك لشخصية "يوسف" في يوتيرن؟

قال "مازحا" للأسف مخوفتش من الدور بقيت متعود كل حاجة بعملها من 2012 لحد النهاردة قتال قتلة ومكروه فاتعودت خلاص

هل من وجهة نظرك بأن يصل مهرجان القاهرة للدراما للعالمية؟

بالشكل ألي أنا شايفه ده هيوصل مهرجان القاهرة للدراما للعالمية


ماذا تقول للفنان الكبير يحيى الفخراني؟

أقول له بتمنالك النجاح ومتأكد أنه كل حاجة بيعملها بيبقى ناجح فيها

ما رأيك في الأعمال الدرامية التي قدمت في رمضان 2022؟

بقول أن الدراما المصرية بحس أنها كانت في فترة مش في نفس المستوى المطلوب بس دلوقتي بحس أن من ثلاث سنوات فاتو المستوى عمال يعلى

ما هي أكثر أعمالك القريبة لقلبك؟

كانت مسرحية كوكو شانيل مع شريهان وبس علشان مع شريهان رقصت مع شريهان كنت حبيب شريهان كنا بنحضن بعض وبنرقص في الهوا ويوتيرن لأنه أعطاني فرصة أعمل دراما مساحة أكبر وأبقى دور شرير مع دراما

ما هي الأعمال الجديدة التي تقوم بالتحضير لها؟

أنا عايز أجرب حاجات جديدة ومختلفة وفي كلام دلوقتي بس الخطوة إلى جاية أهم من الخطوة إلى فاتت وفي رمضان 2023 ممكن يكون في حاجة جديدة يعني ربنا إلى بيقرر بس بنقول ان شاء الله