48 ساعة.. ليلى أحمد زاهر تدخل تريند الأكثر استماعًا عبر يوتيوب ب كلمة أخيرة

طرحت ليلى أحمد زاهر أغنيتها الجديدة كلمة أخيرة على طريقة الفيديو كليب، أول أمس الخميس عبر قناتها على يوتيوب ومختلف منصات السوشيال ميديا.

كلمة أخيرة تدخل التريند

ودخلت الأغنية قائمة تريند الأكثر استماعًا عبر يوتيوب بعد أقل من 48 ساعة على طرحها، واقتربت من 300 ألف مشاهدة، وأصبحت تريند رقم 3 على اليوتيوب ميوزيك، والأغنية من كلمات محمد حسن، وألحان وتوزيع إسلام زكي.


إطلالة ليلي زاهر في كلمة أخيرة

وظهرت ليلى خلال الفيديو كليب ب بلوفر أزرق وسط الثلوج في جبال لبنان، واحتوى الكليب على العديد من مشاعر الحزن والفراق بين الحبيبين.
ومن جانبه، سبق وكشفت ليلى زاهر عن أغنيتها الجديدة في تصريحات صحفية، حيث قالت: انتهيت من تسجيل أغنية تحمل اسم كلمة أخيرة، من المقرر طرحها قريبًا عبر قناتي على يوتيوب، وهي أغنية درامية حزينة على طريقة الفيديو كليب.


آخر أعمال ليلي زاهر

ويذك ان الفنانة الشابة ليلى أحمد زاهر قد شاركت في السباق الرمضاني الماضي 2022 بمسلسل في بيتنا روبوت 2، الذي قدمت بطولته مع هشام جمال، وشارك في البطولة عمرو وهبة، شيماء سيف، دنيا سامي، طه دسوقي، دنيا ماهر، وأحمد رمزي، وكان العمل من تأليف عمرو وهبة، وإخراج أسامة عرابي.


أعمال ليلي زاهر الفترة القادمة

والجدير بالذكر ان ليلى زاهر تنتظر عرض فيلم مطرح مطروح، في عيد الفطر المقبل، والعمل من بطولة محمود حميدة، ويشارك به عدد من النجوم منهم كريم عفيفي، شيماء سيف، سامي مغاوري، وطارق الإبياري، فيما يظهر الملاكم الإنجليزي سكوت أدكنز الشهير ب بويكا كضيف الشرف في الفيلم، ومن تأليف محمد عز، وإخراج وائل إحسان.

كلمات أغنية كلمة أخيرة

أنا من زمان خوفتنى
هزيتلى ثقتى وسبتنى
جيتلك عشان كان نفسى أعيش
وأنا جيا أعيش.. موتنى
بقى دى النهاية وده اللى بتحاسب عليه ؟
أنا من زمان خوفتنى
ولغيت مشاعرى هزمتنى
إزاى هقول.. وبأى عين
شوفتك ف يوم بتحبنى
جاوب سؤالى وقولى مره كسبت إيه ؟
حكايات وعود مين اللى قال.. مش برضه كان إحنا
مين اللى علقنا ف غرام.. وأذانا وجرحنا
حكايات وعود مين اللى قال.. مش برضه كان إحنا
لو كان راحتنا ف الفراق.. ده ياريته ريحنا
و نهاية حبى فيك
فى كلمة أخيرة ليك
محتاجه أنام.. وأصحى ف يوم ألاقي قلبى نسيك
أنا طول حياتى كلها
حابسه مشاعرى لوحدها
قافله عليها الباب عشان
ماتجيبش حد يذلها
أنا كنت فاكرة ده اللى هيجيب الأمان
وأما فتحت الباب لقيت
أذيتها ومعاها إتأذيت
ياريت فضلت لوحدى يوم
ولا حد قرب منها
ولا حد حاول يبقى ليه أصلا مكان
حكايات وعود مين اللى قال.. مش برضه كان إحنا
مين اللى علقنا ف غرام.. وأذانا وجرحنا
حكايات وعود مين اللى قال.. مش برضه كان إحنا
لو كان راحتنا ف الفراق.. ده ياريته ريحنا
شكرآ عشان بإيديك
قطعت علاقتي بيك
مستغربه.. إزاى ف يوم وقفت حياتي عليك