خاص.. ميار الغيطي: مهرجان القاهرة للدراما أكبر تحفيز للصناع وهذه كواليس جزيرة غمام (حوار)

ممثلة شابة ذات طابع مميز أشتهرت عندما كان عمرها 5 سنوات في مسلسل الحصيدة 1992 ورجعت عندما أصبحت شابة في فيلم كابتن هيما ثم ابتعدت عن السينما لفترة طويلة واتجهت للتلفزيون وشاركت في العديد من الأعمال الفنية آخرها جزيرة غمام حديثنا عن الفنانة ميار الغيطي.
التقى الفجر الفجر بالفنانة "ميار الغيطي" في حوار خاص تحدثنا معها عن رأيها في مهرجان القاهرة للدراما وكواليس عملها في جزيرة غمام وأرئها الشخصية حول مواضيع كثيرة، ونص الحوار كالآتي:-


ما رأيك في مهرجان القاهرة للدراما؟

سعدت جدا بوجود مهرجان الدراما وبفاعلياته وأنه اتعمل وده يعتبر أكبر تحفيز لصناع الدراما إن الأعمال دي في الآخر بتككلل بالتكريمات أكيد أنا سعيده جدا بيه وسعيدة أن أحنا بنشارك في عمل وربنا يوفق الكل يارب.


ما رأيك في مسلسلا رمضان 2022؟

لم أستطع مشاهدة جميع مسلسلات رمضان 2022 لأني خلصت تصوير في نص رمضان وقالت مازحة أريد مسلسلنا جزيرة غمام ياخد جوايز كتير أوي طبعا

ما رأيك في كاست عمل جزيرة غمام وكواليسه؟

أنا بشوف المسلسل ده عمل مميز في كل حاجه لأنه بصراحة كل الناس تعبت وكل الناس عملت مجهود جبار من أول الورق لحد المخرج مافيش حد كسل مافيش حد ما عملش إلى عليه الديكور والمزيكا والإضاءة كل الناس فعلشان كده بجد من قلبي بتمنالهم أن كلهم يكرموا لو ده أوبشن يا ريت بجد

كلمة تحبي توجهيها للفنان القدير يحيى الفخراني؟


دكتور يحيى يعني بنشكرك جدا أن أنت بترأس هذا المهرجان وأن أنت ساهمت بوجود هذا المهرجان وأنك ساهمت في وجودنا كلنا النهاردة قامة كبيرة زي حضرتك إضافة لهذا الحدث بنشكرك وبنشكر نقابة المهن وبنشكر كل الناس إلى ساهموا أ ن فاعليات هذا المهرجان تتم النهاردة

ما رأيك في الظاهرة الموجودة في أن بعض الفنانات تضع قيود خاصة بالنسبة لأعمالهم المقدمة مثل عدم لمس اليد أو غيره؟

إلى مش عايز يعمل حاجة مايعملهاش عادي أنا مع وجهة نظر إلى عايز يعمل حاجه يعملها والي مش عايز يعمل حاجة ميعملهاش والناس ملهاش دعوة يعني كل واحد حر دي حياة الناس فليه نشغل بالنا بيها حاجة مش بتأثر عليا فكرة ده علاقته إيه بالفن ده مالوش أي علاقة بالفن دي آراء شخصية يعني أنا بحب أو مبحبش دي معتقدات وآراء شخصية مالهاش دعوة بالفن دي موضوع منفصل

هل تؤيدي قرار حسين فهمي في نظام Dress code ؟


أنا طبعا مع القرار ده مش بيقولوا لكل مقام مقال ده أمر طبيعي لو رايحين فرح هنلبس سواريه لو عزا بنلبس ألوان غامقة مايفعش أروح مهرجان وريد كاربت وحاجة بقيمة هذا الحدث وأروح مثلا لابسه كاجوال مش صح وأي حدث في الدنيا ليه Dress code زي النهاردة في مهرجان القاهرة للدرما حاطين لينا rules أننا لازم نلبس لبس للريد كاربت فدي حاجة طبيعية وكمان علشان الناس كلها يبقى شكلها واحد