"بفكر أطلقك والوسط الفني صعب عليها".. كلمات وجهها رامي جمال لناريمان قبل الانفصال

ثارت حالة من الجدل في الساعات الأخيرة بالوسط الفني وبين رواد التواصل الاجتماعي بسبب الأنباء التي تم تداولها عن انفصال المطرب رامي جمال وزوجته ناريمان، وذلك حسبما نشرته الأخيرة عبر خاصية "الاستوري" على موقع التواصل الاجتماعي "إنستجرام".
وكتبت: "تم الطلاق بيني وبين رامي، أتمناله كل الخير ويكون سعيد في حياته الجديدة، وأتمنى لنفسي كمان الخير والسعادة"، ولكن لم يفت الكثير حتى وحذفت ناريمان الاستوري مما أثار الجدل بشكل كبير وثار الفضول لدى المتابعين لمعرفة الحقيقة خاصة ان رامي ألغي متابعتها وحذف صورهم ولكن ناريمان مازالت محتفظه بالصور رغم الغاءها للمتابعة.
رامي جمال يلمح لزوجته بالانفصال
وفي سياق متصل، وجه رامي جمال بعض الكلمات إلى زوجته في عيد زواجهم منذ فتره لمح فيها بالانفصال ولكن على شكل المزح فقال: "يارب انت عارف اني اتجوزتها وهي عيد ميلادها، ذكري الزلزال القوي اللي جه مصر، والنهارده عيد ميلادك برق ورعد وحاجة فلة كده عرفت انا ليه لما غنيت سقف كورونا غزت العالم، الحمد لله إننا مخلفناش لاني واثق إن ابننا كان اكيد هيبقي المسيخ الدجال، نهاية العالم هتبقي بدايتها من بيتنا، كل سنة وإنتي أول وآخر واحلى وأرخم حاجة في حياتي بفكر أطلقك علشان أخد الدريسينج والحق يرجع لأصحابه"، لكن هذة المعايدة فتحت باب الانتقاد على رامي جمال بسبب طريقته حيث اعتبرها البعض كلمات ثقيلة مما دفعه للرد من خلال تعليق.
رد رامي جمال على منتقديه
قال رامي جمال: أحب أبدأ كلامي بشكرا للناس اللي شبهنا اللي بتاخد الدنيا بسهولة وخفة دم شكرا ثانيا: المجموعة بتاعت كلامك سخيف يا رامي حضرتك أنا مش جوزك أنا بقوله لمراتي اللي أنا وهي عايشين حياتنا إحنا مش حياتك أنتي اللي جايز هزارنا ما يناسبكوش وجايز الجد بتاعكم ما يناسبناش أحب أبدأ معاكم بأن البوست بتاعي عن ناريمان هو بوست نزلته ناريمان نفسها قبل البوست بتاعي بساعة بتقلش على نفسها بخفة دم من وجهة نظري اللي من وجهة نظركم دلوقتي هتقولوا عليها يبقى هي تستاهل وهي اللي جابته لنفسها وبتقبل من نفسها وكده بس برضه أقول لكم أبسلوتلي نو دي أكبر ست في عيني ودي حياتنا إحنا مش حياتكم أنتم".
أضاف: "قولو لأزواجكم ولحبايبكم يهزروا إزاي ويحبوكم إزاي ويتكلموا معاكم إزاي ده حقكم وإحنا كمان حقنا نعيش حياتنا إحنا بالشكل اللي يعجبنا إحنا حتى لو مش هيرضيكم علشان إحنا مش عايشين نرضيكم الدنيا أصلا صعبة فإحنا بطريقتنا البلدي الأوڤر دي اللي مضايقة البعض شايفين حياتنا بفضل الله وحفظه لطيفة".
تابع: "أرجع وأقول للي بيعدلوا علينا إحنا عايشين حياتنا إحنا مش حياتكم أنتم واللي بيعجبكم مش لازم يعجبنا والعكس والدليل أني خدت موضوع قلش مصر كلها على غنوتي وعلى إن رامي قال نسقف من هنا والدنيا خربت بضحك مزعلتش".
أكمل رامي جمال: "أولا لأني عارف أنه هزار وحب، ثانيا علشان أنا مش هصعب دنيا صعبة أصلا، أخيرا بقى المجموعة اللي باعتة تقول لي ما تقولش الحمد لله أنك مخلفتش وكده لا أنا هقول الحمد لله على أي رزق وأي منع وهعيش حياتي بدماغي وبنيتي وربنا اللي عارف إيه جوانا".
سبب اعتزال ناريمان عن الغناء
وكان رامي سبب إعتزال زوجته عن الغناء وصرح من قبل الطلاق في أحد البرامج وقال: "الوسط صعب على النساء وفي حالة تواجدنا سويا في الوسط لن يتمكن احدنا للتفرغ للأولاد"، ويعتبر هذا الحديث من الكلمات الأخيرة التي تحدث فيها رامي عن زوجته.
قصة زواج رامي جمال وناريمان كاملة
أعلن رامي جمال خبر زواجه منذ ثمن سنوات قائلًا: " أنا إتجوزت " دون أن يعلن عن هوية عروسه، ولكن مصادر مقربة منه أفصحت عن الأمر مؤكدين أنه تزوج من ناريمان في حفل زفاف بسيط أقيم في منزل عائلتها، وبعد فترة اكتشف الجمهور أن رامي جمال قام بتلحين الأغنية الأولى في مشوار زوجته ناريمان الفني والتي حملت عنوان "الحال دة مش نافع، ومنذ ذلك الوقت لم يفوت رامي جمال أو ناريمان اي فرصه للتعبير عن حبهم لبعضهم البعض حيث نشرت نيرمان منشور من فترة تعبر فيه عن حبها لهن فقالت: "حبيبي اللي أنا وهو زي أي زوجين بنتخانق ونزعل بس دايما في ضهر بعض وساندين بعض ربنا يكتبلك الخير ويوفقك ويكتبلك كل حاجة حلوة على قد صبرك وتعبك ويرزقني منك في يوم من الأيام بنونو حلو زيك وأشوفك أحلى أب في الدنيا وعلى أد ما بعتبرك أنت ابني بس ميمنعش يبقى عندي اتنين رامي وربنا معايا".
وفي نفس الوقت يعبر رامي دائمًا عن حبه لزوجته حتى على سبيل المزح فرد عليها قائلًا: "ربنا يسعدك ويكتبلك معايا أكتر من اللي تمنيته، بس فعلا والله يا جماعة بنتخانق في اليوم 3 مرات، بس دي الحاجه اللي بتعرفني إننا عايشين وفي ضهرك لحد ما ربنا يسترد أمانته".
أعمال جمعت بين رامي وناريمان
تعاون رامي وناريمان في أغنية تصدرت التريند بعد طرحها وهي "مش ملاحظ حاجة" ومن كلمات الأغنية
مش ملاحظ حاجة غريبة
إن شكلي احلو مثلًا لما سيبتك
وإني مش لايقة إني أكون فعلا حبيبتك
آه صحيح والحياة احلوّت في غيبتك
لأ ملاحظ إن أنا مرتاح، زهقت خناق ملل وجراح
كإنك شَر سابني وراح، وقُربك مني همّ انزاح
بنزل وأجي وقت ما أعوز، مفيش في حياتي لويِة بُوز
بقيت دلوقتي أقول للناس أنا محظوظ
نرجع إيه؟ مش ملاحظ إني بضحك إنت عارف ضحكي ليه
ع اللي سابني وحس فجأة إني بحلو في عينيه
إيه اللي جابك ما إنت كنت رميت وراك
إنت صح أنا مستاهلش أكون معاك
ومن قال لك طلبت رجوع ده بعدك عني كان راحتي
لو إنت بجد عايزة رجوع وجودك مش في مصلحتي
نسيتك قافل الموضوع يا ريت تتقبلي صراحتي
لو إنت لاحظتي حاجة وشفتي حاجة بجد عينيك مخدوعين
مش ملاحظ حاجة غريبة
مش ملاحظ حاجة غريبة
إن صوتك مش بيعلَى ومش طريقتك
هادي جدًا مهما أقول لك أو ضايقتك
آه صحيح إنت فجأة فضي لي وقتك
لأ ملاحظ إن أنا كسبان وحابب نفسي زي زمان
وشايف عمري بالألوان وهادي بجد مش قلقان
مَعادش في يومي أي خناق ومن للهم ده يشتاق
في يوم ما مشيتي قلبي ارتاح وبالي أهو راق
نرجع إيه؟ مش ملاحظ إني بضحك إنت عارف ضحكي ليه
ع اللي سابني وحس فجأة إني بحلو في عينيه
إيه اللي جابك ما إنت كنت رميت وراك
إنت صح أنا مستاهلش أكون معاك
ومن قال لك طلبت رجوع ده بعدك عني كان