بسبب "أدبتنا الدنيا".. رامي جمال يرد على هجوم متابع له:ربنا يسامحك على القسوة

رد الفنان رامي جمال على متابع له، قام بالهجوم عليه وتوجيه رسالة قاسية له، من خلال تعليق قام بكتابته، على قناته الرسمية على موقع الفيديوهات "يوتيوب"، وذلك على أغنية "أدبتنا الدنيا".
"مستني أيه يحصلك تاني".. متابع يهاجم رامي جمال بسبب أغنية "أدبتنا الدنيا"


حيث كتب المتابع في رسالته:" يا أخي أنا مش فاهم يعني ربنا جابلك مرض وعانيت منه كتير أوي، وبعد ما ربنا شفاك راجع بردو تغني، وانتا عارف إن الغنا حرام، انتا مستني يحصلك إيه تاني".

رامي جمال يرد على هجوم متابع له :" انت اللي محتاج علاج من كلامك اللي زي الرصاص"

ومن جانبه، قام رامي جمال بالرد على كلامه السيئ، من خلال حسابه الشخصي على موقع تبادل الصور والفيديوهات "إنستجرام "، حيث نشر صورة لتعليقه، وعلق عليه قائلًا:" بص يا سيدي أنا ربنا راضاني والحمد لله لسه الابتلاء زي ما هو بس لو عاوز الحقيقة انت اللي محتاج علاج من كلامك اللي زي الرصاص لو أنا غلط في حاجة تعتقد إن طريقتك دي ممكن تبقي الصح".


وتابع قائلًا:"أنا للاسف إني كنت بشوف آراء الناس الإيجابية والنقد البناء واللي طمعانين في حاجة أفضل؛ لإن دائمًا في أفضل طبعًا ف شوفت كلامك على الصبح، ومش هقولك غير ربنا يسامحك على القسوة، وده واثق إنه مش حب واللي هيحاسبنا ربنا يا عالم مين احسن من مين، وكلنا بشر من أنبياء ممكن نخطئ ونصيب والهداية من رب العالمين، يومك أجمل من قلبك إن شاء الله".

رامي جمال
قبل طرحها.. رامي جمال يروج لأغنيته الجديدة "في جمال كده"
رامي جمال يستعد لطرح" في جمال كده"
وفي سياق آخر، يستعد رامي جمال حالياً لطرح أغنيته الجديدة"في جمال كده"، المقرر طرحها اليوم في تمام الساعة السابعة مساءً، وكان رامي جمال قد روج لتلك الأغنية، وذلك من خلال صفحته الشخصية على موقع تبادل الصور والفيديوهات "إنستجرام"، حيث نشر صورة له، وعلق عليه قائلاً :"نفرح الساعة 7، ونزعل تاني يوم، وأبقى كده خلصت الألبوم، وأسيبكم فترة أعمل فيها 365 أغنية عشان أنا حبيت موضوع غنوة كل يوم ده".

والجدير بالذكر أن أغنية "أدبيتنا الدنيا" من كلمات إبراهيم جاد، ألحان محمد أنيس، توزيع وسام عبد المنعم، من انتاج "نجوم ريكوردز".