ممكن تبقي يتيمة بس متغلطيش غلطتي".. رسالة مؤثرة من ريهام سعيد لعروسة الإسماعلية

دعت الإعلامية ريهام سعيد عروسة الإسماعيلية التي تعرضت للضرب من زوجها، إلى عدم إكمال زيجتها حتى لاتستمر في القهر.
وترصد "الفجر" في السطور التالية أبرز تصريحات ريهام سعيد:
وقالت: "ممكن تبقي يتيمه وملكيش حد وممكن يبقي في حد بس ملوش لازمة
لان انك تكملي الجوازه دي يبقي مالكيش حد فعلا".
أوعي تغلطي غلطتي وتكملي في حاجة غلط من الأول
أنا حياتي بقت صعبة أو ي بسبب قرار واحد غلط اخدته
عارفه ممكن يكون قالك ايه بس اللي مايحافظش علي كرامتك يبقي مش بيحبك
اللي يرضي إنه يكسر بخاطرك في لليلة عمرك يبقى مش بيحس ولا بني آدم".
غلطي واتمني تصلحي غلطتك ليكي رب اسمه الكريم
عارفه الكلام عن الستر وبيتك وجوزك وإن مالكيش حد
والفضيحة وماينفعش تطلقي بعد يوم من الجواز كل ده أي كلام
اشتري نفسك وحياتك الناس مش هتنفعك ربنا فضحه لحكمة عنده".
اي ست خايفة وبتكمل حياه كلها مهانة وذل عشان مالهاش حد
وخايفة من كلام الناس بقولك خلي عندك إيمان بالي خلقك ربنا عمره ما هايسيبك.
غلطي غلطة عمرك انك كملتي وهيبقي غلط أكبر لو استمريتي
هايضربك تاني وتالت ورابع وهايضربك ادام عيالك ليه؟ عشان الحب؟
فين هو ده؟ ساعات في قرارات بتبقي صعبة أو ي الواحد ياخدها
بس لو نجح إنه ياخدها ويتحدى الناس والخوف هايشتري حياته
انتي مش لواحدك مصر كلها معاكي والقانون في ضهرك
والله انتي دلوقتي مش لواحدك ربنا من خلال فيديو خلي ملايين معاكي
وفي ضهرك هايدعموكي ويحموكي لو حد يعرفها يوصل لها البوست
لازم ننقذها وننقذ اي حد بيفرط في كرامته وحياته عشان خايف".