«أنت واد دكر كده».. مشاهير الفن والإعلام يوجهون رسائل حادة بسبب واقعة عروس الإسماعيلية

تفاعل عدد كبير نجوم الفن والإعلام، مع واقعة عروسة الإسماعيلية، التي تعرضت للضرب من زوجها قبل حفل الزفاف، معبرين عن استيائهم الشديدة بعد رجوعها إليه مرة أخرى.
نرصد لكم السطور التالية، أبرز نجوم الفن والإعلام، الذين علقوا على واقعة ضرب عروس الإسماعيلية.
ريهام سعيد ل عروسة الإسماعيلية: «غلطتي.. أوعي تكملي زيي»
دعت الإعلامية ريهام سعيد عروسة الإسماعيلية التي تعرضت للضرب من زوجها قبل حفل الزفاف، إلى عدم إكمال زيجتها حتى لا تستمر في القهر الذي يحدث لها بحسب وصفها.
كتبت «ريهام» عبر حسابها الرسمي على موقع فيسبوك موجهة رسالتها إلى عروسة الإسماعيلية : «ممكن تبقي يتيمة وًمالكيش حد وممكن يبقي في حد بس ملوش لازمة لآن أنك تكملي الجوازه دي يبقي مالكيش حد فعلا».
وتابعت: «أوعي تغلطي غلطتي وتكملي في حاجه غلط من الأول أنا حياتي بقت صعبه اوي بسبب قرار واحد غلط اخدته، عارفة ممكن يكون قال للك إيه بس إلى ما يحافظش على كرامتك يبقي مش بيحبك إلى يرضي إنه يكسر بخاطرك في لليله عمرك يبقي مش بيحس ولا بني آدم».
وأضافت: «غلطتي واتمني تصلحي غلطتك ليكي رب اسمه الكريم عارفه الكلام عن الستر وبيتك وجوزك وأن مالكيش حد والفضيحه وماينفعش تطلقي بعد يوم من الجواز كل ده أي كلام اشتري نفسك وحياتك الناس مش هاتنفعك ربنا فضحه لحكمه عنده أي ست خايفه وبتكمل حياه كلها مهانة وذل عشان مالهاش حد وخايفة من كلام الناس بقول للك خلي عندك إيمان بلي خلقك ربنا عمره ما هايسيبك».
وواصلت ريهام سعيد: «غلطتي غلطة عمرك انك كملتي وهايبقي غلط اكبر لو استمريتي. هايضربك تاني وتالت ورابع وهايضربك ادام عيالاك ليه؟ عشان الحب؟ فين هو ده؟ ساعات في قرارات بتبقي صعبه اوي الواحد ياخدها بس لو نجح إنه ياخدها ويتحدي الناس والخوف هايشتري حياته إلى هايعيشها مره واحده بس».
واختتمت: «انتي مش لواحدك مصر كلها معاكي والقانون في ضهرك والله انتي دلوقتي مش لواحدك ربنا من خلال فيديو خلي ملايين معاكي وفي ضهرك هايدعموكي ويحموكي لو حد يعرفها يوصل لها البوست لازم ننقذها، وننقذ أي حد بيفرط في كرامته وحياته عشان خايف .على فكره عينيكي في الصوره كلها كسره وحسره واجبار مهما قلتي عينيكي بتتكلم».
عصام السقا يهاجم العريس المعتدي على عروسته بالضرب يوم الفرح
هاجم الفنان عصام السقا العريس، حيث نشر صورة له، وعلق عليها عصام: «أنت واد دكر كده.. عشان يثبت لأهله إنه راجل.. وهو معداش حتى من أمام شارع الرجوله المقطع ده هيفضل وصمة عار هتلاحقك حتي ف أحلامك ي ياعم الدكر أنت».
هالة خليل: «مشهد أكل الحمام مقزز»
وأعربت المخرجة هالة خليل، عن استيائها من فيديو صلح العروسين، بعد اعتداء الزوج على زوجته يوم الزفاف، خاصة مشهد «الحمام»، واصفة إياه بأنه شيء «مقزز».
وقالت «هالة» في منشور عبر حسابها الرسمي بموقع التواصل «فيس بوك»: «مشهد اكل الحمام ده مشهد مقزز.. كل الرجاله بتستعرض بوقاحه قدام الكاميرا وامرأه وحيده محاطه بذراع وحش وعلي وجهها ابتسامه بلاستيكيه تراقب المشهد في صمت ولم يطلب منها احد أن تعبر عن نفسها ولو بجمله وحيده.. انا لو بخرج مشهد ذكوري فج مش هييجي على بالي المستوي ده.
رانيا يوسف: «المجتمع بيخوف الستات»
علقت الفنانة رانيا يوسف، على قضية ضرب الأزواج لزوجاتهم، وذلك تزامنًا مع واقعة عروسة الإسماعيلية، التي تعرضت للضرب من زوجها قبل حفل الزفاف.
وقالت رانيا يوسف، في منشور لها عبر حسابها الرسمي يموقع الصور والفيديو «إنستجرام»: «لو الأهل بيحترموا ولادهم ومش بيضربوهم، مستحيل ولادهم يتقبلوا الضرب من حد تانى ويشوفوه شيء عادى».
وتابعت: «المجتمع اللى بيلوم الستات طول الوقت وبيعتبرهم عالى بتنتهى بالجواز هو اللى بيخوف الستات تطلق».
مفيدة شيحة توجة رسالة ل عروسة الإسماعيلية: «أكبر غلطة في حياتك»
أعربت الإعلامية مفية شيحة، عن استائيها من رجوع عروسة الإسماعيلية إلى زوجها، خاصة بعد التعدي عليها بالضرب يوم الزفاف .
ونشرت «شيحة» صورة للعروسين، عبر حسابها الشخصي بموقع التواصل الاجتماعي «فيسبوك»، وعلقت قائلة: «أول مرة أعلق على حاجة بس اسمحي لي أيتها العروسة الجميلة اللي انتي عملتيه ده أكبر غلطة في حياتك».
سهير جودة ل عروسة الإسماعيلية: «انكسر روحها»
أعربت الإعلامية سهير جودة، عن استيائها الشديد، من عودة عروسة الإسماعيلية إلى زوجها، وذلك بعد تعدي زوجها عليها بالضرب في يوم الزفاف .
وقالت «جودة»، خلال تقديم برنامجها «الستات» الذي يذاع على شاشة النهار: «إن الواقعة تدل على أن جزءا من المجتمع يعتبر العنف والضرب شيئا عاديا».
وأضافت: «واضح أن الثقافة بتختلف من مكان لمكان، وأن في عرف سطوته أكبر بدليل أن حصل الصلح، واللي حصل غير مقبول والصلح مش دايمًا خير، والبنت اتكسر روحها».