حرصت لبنى الصديقة المقربة للفنانة ياسمين صبرى، على التعليق على ادعاءات والد ياسمين، وذلك بعد ما نشر صورًا تجمعه بابنته بغرض الهجوم عليها. وكتبت صديقة ياسمين صبري، عبر حسابها الشخصي بموقع التواصل الإجتماعي "فيسبوك": "أنا حاسة بغضب شديد جدًا،عمري ما فكرت أرد ولا أتكلم لكن اللي بيحصل ده تهريج، ياسمين صديقتي منذ الطفولة وحتى الآن، تربطني بيها علاقة صداقة وحب وتفاهم وإنسانية بلا حدود".
وأضافت: "اللي أبوها نشره يثير اشمئزازي لدرجة مقرفة حقيقي، أنت مين؟ أنت كنت فين؟ أنت جيبت عربية؟ هههههه، أنت صرفت عليها جنيه؟ أنت تعرف إيه عنها، أنت شوفتها بس في الكام صوره اللي أنت حاططهم فقط لا غير". وتابعت: "أنت محضرتش معاها أي حاجة في حياتها ولا تعرف عنها أي حاجة، أنت سنين تختفي وتظهر يوم في نادي سبورتنج تاخذ صورة وتختفي، أنا عشت مع ياسمين في المدرسة وفي النادي طول طفولتي ما افتكرش إني شفت حد رباها ولا كان معاها غير كريمة الله يرحمها جدتها، وأمها كانت في الخارج بتشتغل عشان تبعت فلوس عشان تعيش ياسمين في مستوى كويس". وأكملت: "طلعتها جدتها رياضية، طموحة، ربتها على القناعة، تيجي أنت دلوقتي بعد كل ده افتكرت أن ليك أولاد، لما بقت مشهورة، أخص وألف أخص، أنا قرفانة من الآباء اللي بالمنظر ده، أنا افتكر اللي كام مرة اللي شفتك فيهم كنت تشوفنا صدفة وتقعد تتريق علينا وأننا شباب ضايعين بس ربنا كبير، حسبى الله ونعم الوكيل". وكان أشرف صبري والد ياسمين نشر عبر حسابه الرسمي على موقع فيسبوك عدة صور لابنته ياسمين من حفل خطوبتها الأولى وكان حاضرًا لها. وتابع:" بعد ما سمعت أكاذيب بنتي اللي ربيتها في بيتي وكانت صاحبة البيت وعندها شغالة وقدرت تطعن أبوها في ضهره؟". وأضاف:" أصدقاؤنا كانوا بييجو البيت بيشوفوها ولما كبرت جيبتلها عربية ياريت الناس اللي يعرفونا وجم بيتنا يردوا.. ويقولوا ياسمين كانت عايشة في بيتي إزاي في كل مراحلها وإزاي اتخطبت وعملتلها أجمل حفلة ودي صورها". وواصل أشرف صبري: «الكدب ده بيبرر بالنسبة لها سبب عدم حضورها فرح أخوها، ولو أب اهتم بفرح ابنه وزعلان إن إخواته ماجوش مش حيهتم ببنته؟".
