صديقة طفولة ياسمين صبري تفجر مفاجأة: "افتكرتها لما بقت مشهورة"

عبرت لبنى عروس، صديقة الطفولة للفنانة ياسمين صبري عن غضبها الشديد من تصريحات والدها.
كتبت لبنى، عبر حسابها الشخصي بموقع "فيس بوك"، "أنا حاسة بغضب شديد جدا، عمري ما فكرت أرد ولا أتكلم لكن اللي بيحصل ده تهريج بكافة المقاييس، ياسمين أشرف صبري صديقتي منذ الطفولة وحتى الآن، تربطني بها علاقة صداقة وحب وتفاهم وإنسانية بلا حدود اللي أبوها نشره يثير إشمئزازي لدرجة مقرفة حقيقي إنت مين، إنت كنت فين، إنت جيبت عربية، إنت صرفت عليها جنيه إنت تعرف إيه عنها".
أضافت لبنى، " إنت شوفتها بس في الكام صورة اللي إنت حاططهم فقط لا غير، إنت محضرتش معاها أي حاجه في حياتها ولا تعرف عنها أي حاجه، إنت سنين تختفي وتظهر يوم في نادي سبورتنج تاخذ صورة وتختفي أنا عشت مع ياسمين في المدرسة وفي النادي طول طفولتي".
تابعت، "ما أفتكرش إني شفت حد رباها ولا كان معاها غير کريمة الله يرحمها جدتها، وأمها كانت في الخارج بتشتغل عشان تبعت فلوس عشان تعيش ياسمين في مستوى كويس، طلعتها جدتها رياضية طموحة، ربتها على القناعة تيجي إنت دلوقتي بعد كل ده افتكرت أن ليك أولاد، لما بقت مشهوره، إخص وألف إخص، أنا قرفانة من الآباء اللي بالمنظر ده أنا أفتكر اللي كام مره اللي شفتك فيهم، کنت تشوفنا صدفة وتقعد تتريق علينا وإننا شباب ضايعين بس ربنا كبير حسبي الله ونعم الوكيل".

أخبار الفنوالد ىاسمين صبريياسمين صبري