"إتحاد أمهات مصر" يكشف عن الأجواء داخل أسر طلاب الثانوية العامة قبل الإمتحانات

كشف إتحاد أمهات مصر للنهوض بالتعليم، برئاسة عبير أحمد، عن الأجواء داخل أسر طلاب الثانوية العامة قبل إنطلاق الإمتحانات السبت المقبل وتستمر حتي 2 أغسطس.
وتفاعل أولياء الأمور علي جروب اتحاد أمهات مصر، في الفيس بوك، حيث قالت ولي أمر: "أنا بحاول أهدى إبني وأقوله إن شاء الله الأمور تبقى تمام، وربنا عالم باللى بيا، وبحاول أخلى البيت هدوء".
وأضافت ولي أمر أخري: "البيت هادي وبحاول نهدي الولد ونقوله إن شاء الله تعرف تحل وتتفوق، ونقوله لو الإمتحانات صعبه هتبقي صعبه علي الكل"، وتابعت أخري: "توتر وشدة أعصاب وخوف، بنتي نفسيتها سيئة، ربنا ييسر لهم الحال ويجعل لهم الصعب سهل".
واستكملت ولي أمر أخري: "بقول لإبني ولكل الطلبة انتوا عملتوا اللي عليكم وربنا ما بيضيعش تعب حد، توكلوا على الله، إن شاء الله ربنا يديهم كل الخير ويفرح قلوب أهاليهم، هو القلق طبيعي بس ما يبقاش توتر ويأثر على التركيز
ربنا معاهم ويحققوا كل أمانيهم إن شاء الله".
وذكرت ولي أمر: "كل اللي في البيت طبعا متوترين، بس بنحاول منظهرش دا قدام الولد، ماده العربي تحولت من ماده تقدري تتذاكر وتتحفظ كنصوص وموضوعات قراءه وتحولت لبحر من المعلومات والأسئلة، ومهما حليتي فيها بتغلطي كتير لتشابه وتقارب الإجابات".
وقالت ولي أمر: "محتاجين وقت إضافي للإمتحان لعدم توتر الأولاد جوه اللجنة، الأسئلة محتاجه تفكير ياريت يسمح بكده وربنا معاهم، هما عملو اللي عليهم وربنا كريم".
ومن جانبها، ناشدت عبير أحمد، مؤسس إتحاد أمهات مصر وائتلاف أولياء الأمور، أولياء أمور طلاب الثانوية العامة بهيئة المناخ المناسب لأبنائهم حتي يستطيعوا المذاكرة والمراجعة بكل تركيز، مطالبة بالبعد عن أي توتر وقلق قد يتسبب لأبنائهم.