أول تعليق من محمد دياب على مشهد قتله في "فرصة ثانية"

كتب الفنان محمد دياب منشور عبر صفحته الرسمية بموقع "فيس بوك" رسالة لجمهوره، بعد عرض الحلقة ال 29 من مسلسل "فرصة تانية".
وقال: "الحمد لله دائماً وأبدا الحمد لله ملئ السماوات والأرض... والله والله والله مافيش أحسن ولا أحلى ولا أجمل من اختيارات ربنا سبحانه وتعالى لينا فى كل حاجة فى حياتنا وده مش مجرد كلام إنشائى وخلاص لا والله ده عن يقين وتجارب حياتية كتير أوى وكلها دايماً ربنا بيختارلى الأحسن ليا على كل المستويات".
واستكمل حديثه قائلاً:"والحمد لله وصلت لمرحلة يقين إن أى حاجة ربنا يبعدها عنى إن كانت شغل أو أى حاجة بتكون فى مصلحتى اللى عمرى ما هشوفها بس خلاص بقيت لما يحصل معايا أى موقف ممكن يزعل أو يوجع بقيت أقول لربنا يارب أنا ملكك وكل اللى عندك خير ودايماً ربنا يفاجئنى بتعويض أكبر من أحلامى أصلاً" .
وأضاف قائلاً:"جوايا كلام كتير أوى و مشاعر كتير أوى نفسى أعبر عنها بس للأسف مينفعش كل حاجة تتقال
لكن المهم إن مافيش أجمل من تعويض ربنا وطبطبة ربنا على قلوبنا الحنان المنان بحمد ربنا على كل حاجة حصلت معايا السنة دي".
ثم أنهى حديثه قائلاً: "الصعب قبل السهل والوجع قبل الفرحة السنة دى ممكن تكون من أكتر سنين حياتى اللى مريت فيها بحاجات صعب جداً حد يتحملها لكن سلمتها لرب العباد وكرمه وعطفه عليا كان خير تعويض ربنا يطبطب على قلوبكم ويعوضكم خير عن أى وجع شكراً لكل حد ربنا جعله سبب عشان أقدر أقف وأكمل الحمد لله على كل حاجة ربنا يفرح قلوبكم".