بعد فشل مسلسلهما.. عمرو وهبة يدعم أكرم حسني وأحمد فهمي

دعم الفنان عمرو وهبة، الفنان أكرم حسني، وأحمد فهمي، وأيمن وتار، بعد فشل مسلسل "رجالة البيت" الذي يعرض خلال الموسم الرمضاني الحالي 2020، من خلال نشر صورة لهما، على حسابها الشخصي، عبر موقع تبادل الصور والفيديوهات "إنستجرام".
وكتب عمرو، على الصورة قائلًا:" من حق الناس تعترضوتتريق وتسف وانا بدأت اصلًا بفيديوهات تريقه على اعمال وممثلين ووالله مش ببرر لحد والحمد لله مش محتاج من حد فيهم حاجه ومحدش طلب منى ادافع وظروف التصوير وضيق الوقت وكورنا مش مبررر كافى ان عمل يطلع وحش بدليل ان فى اعمال تانيه طلعت كويسه".
وأضاف:"بس الاكيد ان مفيش حد بيبقى عايز يفشل ومفيش حد مش بيتعب..احمد فهمى عنده اعمال كتير ناجحه واكرم حسنى عنده اعمال كتير ناجحه وايمن وتار عنده اعمال كتير ناجحه واستاذ احمد الجندى اهم مخرج كوميدى فى مصر فى اخر كام سنه".
وتابع:"فا لو عمل متوفقش ده لا ينفى الموهب دليل ان بيومى فؤاد اتهاجم فى المسلسل ده والناس اشادت بيه فى مسلسل خيانه عهد لو فى عمل معجبش معظم الناس وانا طبعًا منهم بصراحه ده وارد وبيحصل وحصل لناس ورجعو تانى ولو محصلش لناس فا اكيد هيحصلهم فى يوم".
واختتم:"عدم التوفيق جزء من الشغلانه وخصوصًا فى حته الكوميدى اللى هى اصعب حته خصوصًا مع شعب دمه خفيف ومش بيضحك بسهوله وسوشيال ميديا مخليه سقف الضحك يعلى كل يوم.. حق الناس تزعل وحق اللى متوفقش انه ياخد فرصه تانى طالما ده مش العادى بتاعه".
ولاقت الصورة تفاعلًا كبيرًا لدى جمهور الفنان عمرو وهبة، فنهالت التعليقات عليه، فكتب أحد متابعيه قائلًا:"ي دي سر حلاوة الحياه يوم تنجح يوم تسقط تفكر تحلل تتجنب اخطائك تشتغل علي نفسك تنجح تاني تعيش بالامل والحلم اهم حاجه متقفش متحبطش متقعش تجتهد تتعب تشتغل طول ما عندك نفس".
يخوض عمرو وهبة، السباق الرمضاني بمسلسل "فلانتينو" وتدور أحداثة في إطار كوميدي أجتماعي، ويقوم ببطولته الزعيم عادل إمام ودلال عبد العزيز وهدى المفتي وحمدي المرغني.