عمرو وهبة يدافع عن مسلسل "رجالة البيت"

بعد الهجوم الذي تعرض له صناع مسلسل "رجالة البيت" مؤخرًا، وإعتذار أحمد فهمي عن المستوى الذي خرج به المسلسل للجمهور، قرر الفنان الشاب عمرو وهبة الدفاع عن المسلسل وصناعه، حيث نشر صورة لبطلي المسلسل أحمد فهمي وأكرم حسني ومؤلف العمل أيمن وتار.
وعلق "وهبة" على الصورة قائلًا: "من حق الناس تعترض وتتريق وتسف وانا بدأت اصلًا بفيديوهات تريقه على أعمال وممثلين.. ووالله مش ببرر لحد والحمد لله مش محتاج من حد فيهم حاجه ومحدش طلب منى ادافع وظروف التصوير وضيق الوقت وكورنا مش مبررر كافى ان عمل يطلع وحش بدليل ان في أعمال تانيه طلعت كويسه".
وتابع "وهبة" في تدوينته، "الاكيد ان مفيش حد بيبقى عايز يفشل ومفيش حد مش بيتعب.. أحمد فهمى عنده أعمال كتير ناجحه واكرم حسنى عنده أعمال كتير ناجحه وايمن وتار عنده أعمال كتير ناجحه وأستاذ أحمد الجندى أهم مخرج كوميدى في مصر في اخر كام سنه.. فا لو عمل متوفقش ده لا ينفى الموهبه بدليل ان بيومى فؤاد اتهاجم في المسلسل ده والناس اشادت بيه في مسلسل خيانه عهد.. لو في عمل معجبش معظم الناس وانا طبعًا منهم بصراحه ده وارد وبيحصل وحصل لناس ورجعو تانى ولو محصلش لناس فا اكيد هيحصلهم في يوم..عدم التوفيق جزء من الشغلانه وخصوصًا في حته الكوميدى اللى هى اصعب حته خصوصًا مع شعب دمه خفيف ومش بيضحك بسهوله وسوشيال ميديا مخليه سقف الضحك يعلى كل يوم.. حق الناس تزعل وحق اللى متوفقش انه ياخد فرصه تانى طالما ده مش العادى بتاعه".
مسلسل "رجالة البيت" من بطولة أحمد فهمى، وأكرم حسنى، وويزو، وبيومى فؤاد، ولطفى لبيب، وعارفة عبد الرسول ومن تأليف أيمن وتار، وإخراج أحمد الجندى.
View this post on Instagram
من حق الناس تعترض وتتريق وتسف وانا بدأت اصلاً بفيديوهات تريقه على اعمال وممثلين ..ووالله مش ببرر لحد والحمد لله مش محتاج من حد فيهم حاجه ومحدش طلب منى ادافع وظروف التصوير وضيق الوقت وكورنا مش مبررر كافى ان عمل يطلع وحش بدليل ان فى اعمال تانيه طلعت كويسه ...بس الاكيد ان مفيش حد بيبقى عايز يفشل ومفيش حد مش بيتعب ..احمد فهمى عنده اعمال كتير ناجحه واكرم حسنى عنده اعمال كتير ناجحه وايمن وتار عنده اعمال كتير ناجحه واستاذ احمد الجندى اهم مخرج كوميدى فى مصر فى اخر كام سنه ... فا لو عمل متوفقش ده لا ينفى الموهبه بدليل ان بيومى فؤاد اتهاجم فى المسلسل ده والناس اشادت بيه فى مسلسل خيانه عهد.. لو فى عمل معجبش معظم الناس وانا طبعاً منهم بصراحه ده وارد وبيحصل وحصل لناس ورجعو تانى ولو محصلش لناس فا اكيد هيحصلهم فى يوم ..عدم التوفيق جزء من الشغلانه وخصوصاً فى حته الكوميدى اللى هى اصعب حته خصوصاً مع شعب دمه خفيف ومش بيضحك بسهوله وسوشيال ميديا مخليه سقف الضحك يعلى كل يوم.. حق الناس تزعل وحق اللى متوفقش انه ياخد فرصه تانى طالما ده مش العادى بتاعه.
A post shared by Amr Wahba (@amr.wahbaaa) on May 16, 2020 at 3:50am PDT