ميس حمدان: "أنا جوكر نفسي"

تحرص الفنانة ميس حمدان على مشاركة محبيها صور من اليوميات الخاصة بها، وذلك من خلال حسابها الشخصي على موقع الصور والفيديوهات "إنستجرام".
حيث نشرت مقطع فيديو جديد لها، ظهرت فيه وهي مُرتدية ملابس الجوكر، وعلقت ميس على الفيديو قائلة :"معظمنا شاف فيلم الجوكر وفي الي حبه و في الي كرهه".
وتابعت ميس قائلة: "بس اللي محدش اختلف عليه إن الفيلم لمسنا، و عبر عن مشاعرنا في فترة من فترات حياتنا ممكن نسميها فترة البؤس و الظلم و عدم التقدير، و إن الحياة جاية عليك، و إن الواسطة مهمة عشان توصل، و إن ليه ربنا بيعمل معايا أنا كده بالذات دون الناس و ايه الدرس المستفاد، و الحيرة في إتخاذ القرارات في طب و بعدين و الحياه رايحه بيه لفين، و ايه الصح و إيه الغلط وبالنسبة ليه".
وأضافت ميس: "السؤال كان اسيب الفن واشتغل حاجه تانية عشان مش حاسه أنى بحقق الحلم الوردي ل اللي كنت بحلم بيه، وهكذا الفرق بينا و بين بطل الفيلم إنه كان عنده مرض مزمن مانعه إنه يعبر و يفكر و يطور و يحاسب و يحاول و يخطط و يقيم نفسه لكن احنا معظمنا عندنا العقل اللي يخلينا نعرف إن الحياة صعبة و مش وردي، ولازم تفشل كتير عشان في الآخر تنجح لو حتمشي المشوار لوحدك من غير دعم ".
واختتمت كلامها قائلة: " في نهاية السنة الجديدة أحب أقول إن أنا جوكر نفسي، و هكون جوكر كسبان حتى لو بعد حين حتى لو كل الظروف مشيت عكس التيار وحاولت تدمر طموحي و أحلامي اللي لسه محققتش منها كتير و حعمل الي عليه بالطريقه اللي ترضيني سواق في الفن أو بره لأني عارفة ياما ناس موهوبه ربنا سهلهم في حاجه تانية بعيد عن الفن،أنا همشي بالتوازي واللي ربنا يكرم فيه أنا راضية، أنا الجوكر ".