هذا ما حدث ليلة فرحي.. هنا الزاهد: فهمي فرهد وأنا اتفقعت مرارتي (فيديو)

تصدرت النجمة هنا الزاهد، تريند جوجل وذلك بعد ظهورها مع الإعلامية منى الشاذلي، على فضائية cbc، في برنامج معكم منى الشاذلي، والتي تحدثت من خلاله عن ليلة زفافها وماحدث بها، وتأثر أختها الصغيرة بها لتركها المنزل وزواجها، وأيضًا عن الزفاف الأسطوري، وعن رحلتها من الفرح إلى المالديف وصولًا بسينجابور.
ويرصد لك "الفجر الفني"، أبرز هذه الأحدث في التقرير التالي :
تحضيرها للزفاف
أشارت "الزاهد" إلى أنها رأت دخلة فرحها، على الانستجرام خارج مصر، وطلبت مثلها من مصمم الفرح، متابعة: "اتخضيت أوي يوم الفرح، وماكنتش مصدقة إني بتجوز"، مستكملة: "في ناس كتير كانت في الفرح مكناش نعرفها، وفي واحد ضربته وسط الفرح، كل شوية كان بيصورني وإحنا منعرفهوش قومت زقيته".
وتابعت "الزاهد"،"أحمد فهمي مش بتاع لقطات رومانسية، وكان بيهزر في صور فرحنا، ودايمًا بيقولي إنتي الزقردة الصغيرة إللي جت بوظت حياتي كلها وغيرتها".
كواليس ليلة الزفاف
span iframe="" width="560" height="315" src="https://www.youtube.com/embed/I-rjUa6Akw0" frameborder="0" allow="accelerometer; autoplay; encrypted-media; gyroscope; picture-in-picture" allowfullscreen=""
تحدثت هنا الزاهد، عن يوم فرحها، قائلة: "كنت باردة شوية يوم فرحي كنت حاسة إني مش هتجوز ورايحة أي مناسبة عادية، ولكن اتوترت من لحظة ما لبست فستان الفرح".
وأضافت "الزاهد، "أحمد فهمي كان في حمام السباحة يوم الفرح الصبح، واسمر وصدع يوم الفرح، وجه يوم الفرح وقالي عايز أنام أوي مش قادر، المياه فرهدتني".
وتابعت: "كنت مبسوطة أوي يوم الفرح، وكنت طالبة من إخواتي إنهم مينزلوش حاجة على السوشيال ميديا من الفرح إلا بعد ما يخلص، واتصدمت لما شوفت إللي نزل من كمية الحاجات، وفستان فرحي اتقطع أول ما دخلت الفرح بس ماحدش حس".

سفرها المالديف وتعبها في الطائرة
قالت هنا زاهد، إنها مرت بالكثير من الأحداث بعد زفافها، متابعة: "أنا ماشوفتش يوم عدل بعد فرحي، وأحمد بيقولي أنا مش عارف إيه إللي بيحصلنا ده في إيه".
وطلبت "الزاهد"، من أحمد فهمي عدم نشر صورهم في شهر العسل، متابعة: "أول 3 أيام في شهر العسل مروا حلوين، وهو كان عاملي مفاجآت، بعدها أول ما ركبت الطيارة حسيت إن ضهري بيوجعني ومش عارفة أقعد".
واستكملت الفنانة المشهورة: "الطيارة أول ما طلعت فضلت أصوت وأصرخ من التعب، كنت حاسة إن ضهري وكتافي بيتقطعوا، وسخنت واحمريت، وماكنش في أي دكاترة على الطيارة، لما وصلنا سينجابور وقعت على الأرض وفضلت أصرخ من الوجع، أنا كنت بشوف الحاجات دي في الأفلام بس، وروحت المستشفى والدكتور قال عندي حصوات على المرارة،ولازم أشيلها".
وعن حقيقة مرضها
قالت "الزاهد"، أنها ستخضع لعملية جراحية بسبب الحصوات على المرارة مشيرة أنها ستكون باليزر وليست جراحية، مشيرة إلى أنها خسرت وزنها وأصبحت 49 كيلو بعد ماكنت 53.
وأضافت "الزاهد" إلى أن خسارة وزنها بسبب عدم أكل الدهون الفترة الحالية بسبب الحصوات متابعة إلى أنها دائمًا ماتتحدث مع زوجها الفنان أحمد فهمي، مازحة قائلة: "فقعت مرراتي".