نشرت الفنانة سارة نخلة، صورة للفنانة شيرين عبد الوهاب وهي تقبل يد زوجها الفنان حسام حبيب وذلك من خلال حسابها الرسمي على موقع التواصل الإجتماعى "إنستجرام". وعلقت نخلة على الصورة قائلة عليها :"للناس القريبة مني والعارفيني اكيد عارفين اني مش بحور و كل حد دخل بيتي وكل من اكلي في يوم من الأيام اكيد هايشهد اني مش بحور خالص .... ومش معناه اني بنصح البنات تبقى قوية يعني اني بنت مفترية خالص بس انا اتلسعت من الشوربة فبقيت انفخ في الزبادي". واكملت تعليقها على صورة شيرين قائلة: "وعشان انا عندي كمية تصالح مع النفس اكتر مما تتوقعوا و مش بندم على اي حاجة عملتها ابدا عشان انا اتربيت على كدا واتربيت ان راجل البيت يعني الحنية والاحتواء.. انا شايفة ان شيرين ست الستات وبنت ناس ومحترمة جدا.. الراجل الحنين ابن الأصول رجليه تتباس مش بس ايده و قدام الناس كلها". وتحدثت "نخلة" عن العلاقة بين الزوجين موضحة: "العلاقة بين الزوجين لو حصل فيها خيانة أو عدم احترام فالأحسن انها تنتهي بسرعه.. الود والاحترام والحنية والاهتمام برأيي أهم من الحب بألف مرة انا عن نفسي كنت روقة في نفسي اوي وزي ما بوقف قدام الكاميرا وبمثل مع ناس محترفين ومخرجين عباقرة انا بقعد عند طشط الماية والملح و بغسل رجلين جوزي بعد ما ييجي من شغله وابقى مبسوطة اوي اه ونص الي عملاه واعمله مساج وابقى طبخاله لقمة حلوة وقبل ما ينام لازم أقوله انت راضي عني ويقولي اه الله يرضا عليكي ولو مش راضي أفضل ازغزغه لغاية ما يرضى". ونصحت "نخلة"، الفتيات قائلة: "الراجل مهما كان حابب شخصيتك القوية مع الناس ووسط زمايلك يحب دايما يشوفك ضعيفة قدامه وتابعة ليه على طول يعني برا البيت خليكي عاملة ناظرة وفي البيت تلميذة.. الخلاصة ... شيرين زينا بنت جدعه وطيبة جدا لقيت الراجل الّي احتواها ودعمها مش راجل بيكسر من مقاديفها وبيقل منها .. راجل جنتل شايف أن نجاح مراته نجاح ليه والعكس صحيح.. انا مش من البنات إلى تقولك أيه دا وابوس أيده ليه خير انشالله هو بابايا .... اه باباكي وحتى باباكي مش هايبقالك والبنت المتربية صح ابوها نفسه هايقولها كدا.. اما لو في راجل عملتيله كل ماسبق وحطيتيه على دماغك وخان عشرتك وصبرك و قلة حيلتك وما طمرش فيه عادي جدا الطشط بالماية والملح الّي فيه يتقلب عليه عادي جدا عشان احنا ولايا و الّي ييجي على ولية عمره ما يكسب صدقيني بوسي أيديه صبح و ليل ولو هو ابن اصل هايشيلك بعنيه ولو واطي محكمة الأسرة كبيرة وبتساع ملايين". سارة نخلة توجه رساله لطليقها نشرت الفنانة سارة نخلة مؤخرا صورة جديدة لها بعد حكم حبس طليقها الفنان أحمد عبد الله محمود عامين لإتهامه بخيانة الأمانة، في الدعوى المقامة ضده. وعلقت سارة على الصورة قائلة: "لاتلعب الالعاب مع فتاة يمكن ان تلعب بشكل افضل" مشاركة سارة فى دراما رمضان يشار أن سارة خاصت السباق الرمضانى الماضي بمسلسل حكايتي ،والمسلسل بطولة ياسمين صبري ووفاء عامر وأحمد بدير،أحمد صلاح حسنى ،جمال سليمان ،ادوارد، تأليف محمد عبدالمعطى ،إخراج أحمد سمير فرج.
