الانترنت يطالب بمقاطعة " شارع الهرم "

انتشرت على الفيس بوك وتويتر حملة كبيرة لمقاطعة فيلم شارع الهرم الذي يعرض خلال ايام ضمن مجموعة من الافلام تطرح في العيد .
ولقي الفيلم استهجان الكثير من زوار الفيس بوك وتويتر بما يحتويه من مشاهد عري وخلاعة واسفاف كبير على حد تعبيرهم واكدوا ان ابطال الفيلم لايعبرون عن ثورة 25 يناير وما تستحقه من اعمال فنية تمجد ابطال الثورة وترسي قيما ومبادئ لعصر جديد بعد نظام فاسد في كل شيء .
واكد النشطاء على شبكة التواصل الاجتماعي انه يجب مقاطعة ما سموه ب " أفلام العرى والاسفاف والتفاهة " وأكدوا أن هذه النوعية من الافلام تسيء لسمعة مصر فى الخارج وتظهر المصريين بمظهر سيئ.
وأضاف الناشطون: " الأفلام الهابطة والبذيئة أدت الى انحدار فى الثقافة المصرية....لذلك وخاصة بعد قيام الثورة يجب عيلنا أن نقاطع مثل هذه الاعمال التى تسىء الى بلدنا وتسىء الينا جميعا ".
وجاءت أبرز تعليقات الاعضاء مع الحملة التى تحمل اسم " مقاطعة فيلم شارع الهرم و جميع أفلام العرى والاسفاف والتفاهة " كالتالى " لو حد راح السينما و شاف نوعية الأشكال اللي داخله الأفلام دي هيعرف هما داخلين ليه ", " هو دا الكلام لازم يكون عندنا نخوة ونمنع اى حاجة إباحية فى الميديا بتاعتنا كفاية خراب العقول. انا مش متخيل ازاى أب أو أم هيشوف ابنه او بنته بيشوف الافلام دى ", " ياريت لو هنقاطع يبقى نقاطع بجد " .
مقاطعة فيلم شارع الهرم .. الفيلم يجمع بين الرقص الاستعراضي والغناء .. هي دي مصر اللي عاوزنها بعد الثورة ؟ الناس دي بتاخد ملايين في حاجات هايفة ليه ؟؟
الناس دي لما قامت الثورة كانوا ضدها .. ودلوقتي ركبوا الموجة وبقوا معاها ..
وقتكوا انتهي خلاص .. مصر مش بلد الهلس والغناء والهيافة .. لازم نفوق بقي
جدير بالذكر ان الفيلم بطولة سعد الصغير ودينا واحمد بدير وجومانة مراد وادوارد باسم سمرة وعدد كبير من الفنانين .