تويتر : "جيل مبارك كان بيمشي جنب الحيط ... جيل الثورة بيمشي علي الحيط"

مع توالي الاحداث على الساحة المصرية واتساع نطاقها وقيام المتظاهرين بالتظاهر امام السفارة الاسرائيلية وتسلق احد الثوار جدار السفارة الاسرائيلية وانزاله واحراقه للعلم الاسرائيلي .. كان رد الفعل على المستو ى الشعبي والحكومي في مستوى متواز مع الاحداث وهو ما حدث لاول مرة مع اسرائيل منذ تولي الرئيس المخلوع حكم مصر .. كل ذلك اثار رواد تويتر فكانوا في قلب الحدث وشاركوا بتعليقاتهم المثيرة والقوية ومن اشهرها :

من اقوال الشيخ احمد ياسين: مظاهرة ضد اسرائيل في القاهرة تساوي عمليه فدائية في تل ابيب

صوتي يا اسرائيل شباب مصر بقي بيطير صوتي يا ام شاليط شباب مصر بيمشو ع الحيط صوتى يا أم سمعان المصريه جابت سبيدير مان


إحنا عدم اللامؤاخذة ما بنطردش سفرا..إحنا بنقعدهم ونرفع علم مصر فوق دماغهم..حد غيرنا عملها؟

أحمد الشحات أنزل ( شعوراً ) ولم ينزل ( علماً ) ..

شرف:إتصل بي السفير وهو منفعل وقال:ينفع وقفة الشباب قدام العمارة و فيه حريم طالعة نازلة".شرف:عادى هو انتوا عندكم رجالة اصلا

البيان 73 من المجلس الاعلى للقوات المسلحة : يعنى نعملكم ايه دول بيمشوا على الحيط

جيل مبارك كان بيمشي جنب الحيط ... جيل الثوره بيمشي علي الحيط

مرتضى منصور :انا اول واحد نزل العلم قبل العيل الشحات ما يبتدي يشحت (والناس اللي حواليه يضحكوا طبعا)

في السنة اللي اسرائيل اخترعت فيها طائرة بدون طيار مصر ظهر فيها طيار بدون طائرة

يوم تاريخي 20/8/2011 = نزول أمطار في الصومال+ثوار ليبيا يصلون إلى طرابلس+انزال العلم الصهيوني من على السفاره في مصر


طلعنا بيان سحبنا السفير ،سحبنا بيان سحب السفير، سحبنا سحب بيان سحب السفير!!! تعرف تقولها عشر مرات بسرعة

امال فين عادل امام ولا للسفاره في قلب العماره

ابعث رسالة شكر لاسرائيل لانها دايما بتكون سبب فى اظهار القدرات الخارقة لشعب مصر

بعد 20 يوم من النقاش الحاد .. أحمد الشحات هو اللي يستاهل البيبسي

في السنة اللي عملوا فيها هاري بوتر 3، إحنا عملنا سبايدر مان المصري (الرجل العنكبوت)"- منقول


بيقولك مرة الصهاينة حطوا سفارتهم في الدور الأخير ... طلع الشباب المصري بيطير

متقولش بسيطه وسهله ...بسيطه لكن مستاهلة...إنك تنزل العلم ..شكرآ شكرآ شكرآآآ...يا شحات,,,القذافى

دلوقتي عمرو مصطفى يقولك الشاب اللى نزل العلم سمع إعلان كوكاكولا: إفرد جناحك وطير فى الهوا

الحكومة المصرية: يوجد خطأ مطبعي ، نحن لم نطلب سحب السفير احنا طلبنا سحلب للسفير

ألطمي يا إسرائيل .. مصر فيها شباب بيطير


يعني ايه البت تقولي مش حاتجوزك إلا لو جبتلي علم اسرائيل من فوق مبني الأمم المتحدة؟؟!!! منك لله يإللي في بالي

كابتن حضرتك بتتشعبط على العمارات؟

السبت الاسود على اسرائيل العلم الراديو المواقع الالكترونيه صواريخ على المستوطنات ربنا يجعل ايامكم كلها سوده انشاء الله

اسرائيل مش في امان مصر فيها سبايدر مان


توفيق عكاشه : لو قلتلى يا احمد يا شحاته انبوبة البوتاجاز اللى فى السفاره بتعمل كام حلة محشى حنعملك بطل

عندما تكون الحكومة سلحفاة يركّب الفتى الشجاع أجنحة: تحية للبطل الطائر أحمد الشحات

لكل مقام مقال ولكل زمان رجال

زمان كان مقلب تسأل الناس في الشارع : سفارة مصر فين؟ راحت الأيام دي وبقى عندنا سفارة مصر في الجيزة

السفير العزرائيلي : ضحينا بالعلم عشان السفارة تعيش

اللى يسألك فين سفارة اسرائيل فى مصر قوله اللى عليها علم مصر"


أنباء عن تلقي أحمد الشحات تدريبات في صربيا علي تسلق العمارات

عبد الحليم لوعايش كان هيغني ويقول !! دخل اليهودى..و أنا نايمة..شوف قلة ادبه...قتل العساكر..وأنا نايمة..شوف قلة ادبه

اجمل ما في الموضوع انه يعتبر اعتداء , آن للمغتصب ان يحس ببعض مما اذاقه لاهل فلسطين


معلومة تاريخية:
بيقوللك اليهود قالوا للسادات انتم موتوا ناس كتير اوي في الحرب، اخرهم واحد من تل ابيب اسمه ديفيد

فا قال لهم هانكون موتنا كام يعني؟

قالوله بديفيد ولا من غيره؟

قال لهم كام بديفيد؟

و من هنا جه اسم المعاهدة

يا منزل علم الصهاينة و رافع راس بلادي ,و مفرح ام الشهيد و واخد تار ولادي ياطالع العمارة و مبهدل السفارة و كابس الاعادي : تسلم الايادي

بيان رقم 73 : من المجلس العسكري لإسرائيل ... "نعمل لكم ايه يعنى؟! بيمشوا ع الحيط!"


واحد بيسأل صاحبه : ازاي اعرف السفارة الاسرائيلية؟
صاحبه قاله: هتلاقي عليها علم مصر