"أمهات مصر": تأخر استلام الكتب بمدارس كثيرة.. وهناك عجز في عدد المعلمين

قالت عبير أحمد، مؤسسة اتحاد أمهات مصر للنهوض بالتعليم، إن هناك عدد كبير من أولياء الأمور، واجهت أبنائهم بعض المعوقات في المدارس منذ بداية العام الدراسي وحتى الآن، مطالبين الوزارة بالعمل على إيجاد حلول لهذه المعوقات والشكاوى من أجل استقرار أبنائهم في دراستهم.
ووجهت في تصريحات صحفية، مجموعة من التساؤلات للدكتور طارق شوقي وزير التربية والتعليم، تضمنت: ما هي أسباب تأخر استلام الكتب المدرسية في عدد كبير من المدارس حتى الآن ونحن في الأسبوع الثالث من العام الدراسي الجديد؟، لماذا يوجد عجز في المعلمين في بعض المدارس؟.
وطالبت الوزير الرد على هذه التساؤلات لطمئنة أولياء الأمور وحل المشكلات التي تواجهم، وكذلك سرعة طباعة وتوزيع "دليل ولي الأمر"، حتى يستطيع أولياء الأمور متابعة أبنائهم في النظام الجديد لرياض الأطفال والصف الأول الابتدائي.
وتفاعل عدد كبير من أولياء الأمور على صفحة "اتحاد أمهات مصر للنهوض بالتعليم" على "فيسبوك"، وقالت ولية أمر: "مدرسة محمد كريم القومية التابعة لإدارة شرق التعليمية بالإسكندرية.. أولي ثانوي ما فيش كتب لسة"، وأضافت أخري: " مدرسة الخصوص الرسمية التابعة لإدارة الخصوص التعليمية بمحافظة القليوبية.. المشكلة إن احنا لغاية دلوقتى ما اخدناش حاجة، يعنى مفيش تعليم اصلا لأولى ابتدائى تجريبى وضايعين مع الولاد، واستلمنا كتب عربي وباقة بالعربى وكونكت، لكن مفيش شرح وكل مدرس يدخل يكتب على السبورة ويقول للولاد انقلوا وخلاص على كده وحتى الولاد مش بينزلوا بريك وبيفضلوا فى الفصول طول اليوم".
وتابعت ولية أمر أخرى: "إدارة السلام التعليمية كلها مفيش كتب كي جي وأولي ابتدائي مخدوش غير كونكت وعربي بمدارس الحريه ومحمد أنور السادات العادي والفيوتشر"، واستكملت أخري: "الكتب الخارجية بقت ترمين، يعنى سعرها زاد عن الأول، كانت كتاب واحد وسعره أقل وحاليا كتابين للترم الأول والتانى والسعر زاد طبعا، ده غير أسعار الملازم وكل ملزمة بسعر 100 و150 جنيها غير الدروس 100 و150 وفي 8 مواد ومافيش وقت لمذاكرة خالص كل ده في سنة أولى ثانوي، أومال هنعمل إيه في تانية وثالثة ثانوي؟".
وأضافت ولية أمر أخرى: "مدرسة سعد زغلول التحريبية لغات التابعة لإدارة المعصرة التعليمية.. مفيش مدرسين ماث وساينس وإنجليزي ل3 إعدادي، رغم أن المدرسة كانت نموذجا يحتذى به".
وتابعت أخرى: "مدرسة نجيب محفوظ الابتدائية المشتركة التابعة لإدارة حلوان التعليمية.. خامسة ابتدائي استلموا الكتب يوم الخميس الماضي، ولكن ثانية ابتدائي لسه مستلموش".
وأوردت أخرى، أن "كلية السلام الرسميه لغات التابعة لإدارة الزيتون التعليمية.. أغلب المدرسين مابيشرحوش، ليه مايبقاش في شرح والتزام بالمدرسة حتي لو ما فيش أعمال سنة؟، ليه بنربط الحضور والالتزام من المدرسين بأعمال السنة؟".
ونوه أخرى، بأن "مدرسة المنيا الرسمية لغات بها نقص في مدرسين الماس، ابني لغاية الآن مدخلهوش مدرس ماث خالص، ولما روحنا للمديره قالت اشتكوا في المديرية.. حقيقي حاجة تقرف"، واستكملت أخري: "ابني في أولى ابتدائي.. مش قادرة استوعب بياخد إيه؟، وإيه المطلوب مني في البيت للمتابعة؟، وبعض المدرسين بيرفضوا التواصل على النت".