"أمهات مصر" يوجه تساؤلات لوزير التعليم عن أسباب تأخر استلام الكتب

قالت عبير أحمد مؤسس اتحاد أمهات مصر للنهوض بالتعليم، إن هناك عدد كبير من أولياء الأمور واجهت أبنائهم بعض المعوقات في المدارس منذ بداية العام الدراسي وحتي الأن، مطالبين الوزارة بالعمل علي إيجاد حلول لهذة المعوقات والشكاوي من أجل استقرار أبنائهم في دراستهم.
ووجه اتحاد أمهات مصر للنهوض بالتعليم، مجموعة من التساؤلات للدكتور طارق شوقي وزير التربية والتعليم، تضمنت :"ما هي أسباب تأخر استلام الكتب المدرسية في عدد كبير من المدارس حتي الآن ونحن في الأسبوع الثالث من العام الدراسي الجديد؟، وكذلك لماذا يوجد عجز في المعلمين في بعض المدارس؟"، مطالبة الوزير الرد علي هذة التساؤلات لطمئنة أولياء الأمور وحل المشكلات التي تواجهم، وكذلك سرعة طباعة وتوزيع "دليل ولي الأمر"، حتي يستطيع أولياء الأمور متابعة أبنائهم في النظام الجديد لرياض الأطفال والصف الأول الإبتدائي.
وتفاعل عدد كبير من أولياء الأمور علي صفحة اتحاد أمهات مصر للنهوض بالتعليم في الفيس بوك، حيث قالت
ولي أمر: "مدرسة محمد كريم القومية التابعة لإدارة شرق التعليمية بالإسكندرية.. أولي ثانوي ما فيش كتب لسة"، وأضافت أخري: " مدرسة الخصوص الرسمية التابعة لإدارة الخصوص التعليمية بمحافظة القليوبية.. المشكلة إن احنا لغاية دلوقتى ما اخدناش حاجة، يعنى مفيش تعليم اصلا لأولى ابتدائى تجريبى وضايعين مع الولاد، واستلمنا كتب عربي وباقة بالعربى وكونكت، لكن مفيش شرح وكل مدرس يدخل يكتب على السبورة ويقول للولاد انقلوا وخلاص على كده وحتى الولاد مش بينزلوا بريك وبيفضلوا فى الفصول طول اليوم".
وتابعت ولي أمر: " إداره السلام التعليمية كلها مفيش كتب كي جي وأولي ابتدائي مخدوش غير كونكت وعربي بمدارس الحريه ومحمد أنور السادات العادي والفيوتشر"، واستكملت أخري: "الكتب الخارجية بقت ترمين، يعنى سعرها زاد عن الأول، كانت كتاب واحد وسعره أقل
وحاليا كتابين للترم الأول والتانى والسعر زاد طبعا، ده غير أسعار الملازم وكل ملزمه بسعر 100 و150 جنية غير الدروس 100 و150 وفى 8 مواد ومافيش وقت لمذاكره خالص كل ده فى سنه أولى ثانوى، اومال هنعمل ايه فى تانيه وثالثه ثانوى؟".
وأضافت ولي أمر أخري: "مدرسة سعد زغلول التحريبية لغات التابعة لإدارة المعصرة التعليمية، مفيش مدرسين ماث وساينس وانجليزى ل 3 اعدادى، رغم أن المدرسة كانت نموذج يحتذى به".
وتابعت أخري: "مدرسة نجيب محفوظ الإبتدائية المشتركة التابعة لإدارة حلوان التعليمية.. خامسة ابتدائى استلموا الكتب يوم الخميس الماضي، ولكن ثانىة ابتدائى لسه مستلموش"، وقالت ولي أمر أخري: "كليه السلام الرسميه لغات التابعة لإدارة الزيتون التعليمية.. أغلب المدرسين مابيشرحوش، ليه مايبقاش في شرح والتزام بالمدرسة حتي لو ما فيش أعمال سنة؟، ليه بنربط الحضور والالتزام من المدرسين بأعمال السنة؟".
وقالت ولي أمر: "مدرسة المنيا الرسمية لغات بها نقص في مدرسين الماس، ابني لغاية الآن مدخلهوش مدرس ماث خالص، ولما روحنا للمديره قالت اشتكوا في المديرية.. حقيقي حاجة تقرف"، واستكملت أخري: "ابني في أولى ابتدائي.. مش قادرة استوعب بياخد ايه؟، وايه المطلوب مني في البيت للمتابعة؟، وبعض المدرسين بيرفضوا التواصل على النت".