تامر حسني يحلل شخصية حسام غالي لحظة إعلان اعتزاله (فيديو)

قال الفنان تامر حسني، إن اللاعب حسام غالي، تعرض للعديد من الضغوط التي أدت إلى سوء حالته النفسية وهو ما جعله يعلن اعتزاله وإنهاء حياته الكروية، مضيفًا في تحليله الشخصي لحالة "غالي"، أن كلمة "عايز ارتاح مش قادر" التي أطلقها حسام غالي في مؤتمر اعتزاله كشفت عن الضغوط التي تعرض لها.
وكتبت تامر حسني، عبر صفحته الرسمية: "تحليل شخصي مش اكتر واتمنى يطلع غلط بس واثق انه صح ....اللي يقرأ بين السطور ويركز في كلمة هنا عايز يرتاح وتحديداً كلمة(مش قادر) يلاقي إن الراجل ده بيبكي من الضغوط والحروب النفسية اللي اتعرض ليها في حياته رغم إنه بالفعل من أحسن وأرقى لاعبي مصر بيبكي وبياخد قرار ينهي بيه حياته الكروية بسبب (طاقة سلبية) خرجت من نفوس شريرة مريضة تملكت منه وسيطرت عليه بخلاف اللي بينصح بمحبة فهو مشكور في الحقيقة"
وتابع: "يا حسام انت فعلًا تقدر تكمل بس أنا مش ضد القرار لأن اعتزالك وانت في قمتك هيخلد اسمك أنا بس كان نفسي تاخد القرار من غير أي تأثير سلبي عليك عشان كان لازم تكسب المعركة دي عشان الأجيال الجاية تتعلم منك ميستسلموش لأي طاقة سلبية عمومًا ربنا يكون في عونك وانت أدرى من أي شخص بحالك وإن شاء الله ربنا يكتبلك الصالح ليك وهتوحشنا في الملاعب يا بطل".
وأضاف: "أتمنى إنك تعمل ماتش اعتزال تاني في مصر عشان محبينك الكتااااار اللي مش هيقدروا يسافروا".
كان حسام غالي لاعب الفريق الأول لكرة القدم بالنادي الأهلي، قد وجه رسالة خاصة إلى جماهير القلعة الحمراء، خلال المؤتمر الصحفي الذي أقامه النادي بمقره بالجزيرة، فقال: "أتمنى أن أكون لم أقصر في مسيراتي مع النادي وأشهد الله على ذلك".