آخرهم بمؤتمر حكاية وطن.. 5 مرات أوصى السيسي فيهم على مصر

يستغل الرئيس عبد الفتاح السيسي المناسبات المختلفة لتوصية أبناء الشعب المصري على الحفاظ على مصر، مؤكدًا مراراً وتكرارًا أنها هدف لكل من أراد بالأمة الشر.

وجاءت آخر توصيات الرئيس السيسي في مؤتمر حكاية وطن، والذي اختتم أعماله مساء أمس الجمعة.

وفي السطور التالية ترصد "الفجر" توصيات الرئيس السيسي المختلفة على مصر، ومناسبات قولها.

"خلوا بالكم من مصر.. خلوا بالكم من بلدكم"
في يناير 2016 طالب الرئيس عبدالفتاح السيسي، الشعب المصري بتوخي الحذر، وعدم إهدار دم الشهداء الذين ضحوا بأرواحهم لأجل الوطن.

ووجّه السيسي حديثه للمصريين، خلال كلمته في عيد الشرطة، وذكرى ثورة 25 يناير، السبت، قائلًا: "خلوا بالكم من مصر، خلوا بالكم من بلدكم، لأجل خاطر الدم والشهداء اللي راحوا، الناس دي سقطت (أفراد الشرطة) عشان إحنا نعيش".

وأضاف: "لن نسمح بضياع دم الشهداء، استقرار الدول مش لعبة في إيد حد، كله يخلي باله، إحنا اتفقنا إننا لازم كلنا نخلي بالنا".

"خلوا بالكم من 7 آلاف سنة حضارة"
في يوليو 2016 خلال الذكرى الثالثة لثورة 30 يونيو قال الرئيس السيسي: "إوعوا حد يخدعكم، ويضحك عليكم، ويضيغ بلدكم، ومصر بتقول لكم: خلوا بالكم من 7 آلاف سنة حضارة، وبتقول لكم: مكاني مش ده، وحجمي مش كده، وما تِحْوِجونيش لحد. وبتقول لكم: عايزة مكاني الحقيقي".

وأضاف على هامش احتفال بدار الأوبرا المصرية أن "المصريين من 3 سنين أمروا الجيش اللي لبى النداء. وفي 24 يوليو طلبنا تفويض عشان نقول إن الثورة إرادة المصريين".

وتابع: "مش هناكل ولا ننام عشان مصر تاخد مكانها الحقيقي، إوعوا تنسوا الرسالة دي، أنا بحلم، ومن حقي أحلم لأن مصر مكانها أعز وأكرم من كده".

"خلوا بالكم من بلدكم"
وفي يوليو الماضي، خلال انعقاد المؤتمر الدوري الرابع للشباب بالإسكنرية، وجه الرئيس عبد الفتاح السيسى، رسالته للمصريين، قائلاً :"يا مصريين خلوا بالكم من اولادكم وبلدكم، الدين مش جاى عشان يعذب ويقتل الناس لن نكون أبداً ضد دين من الاديان، ومحدش يقدر يحارب ربه..بس احنا عاوزين الدين الحقيقى بكل سماحته".

"خلوا عينكم على مصر.. وخلوا بالكم منها"
وأول أمس قال الرئيس عبد الفتاح السيسي: إن الأشقاء العرب وقفوا بجانب مصر بعد 3 يوليو، ولذلك كل الاحترام والتقدير لهم، موضحا: "فيه ناس وقفت جنبنا وأرسلت تنكات الغاز والسولار بدون مقابل، ومنحت أموالا للبنك المركزي ولم تُرد، وده مش علشان المشير السيسي ده علشان المصريين".

وأضاف في كلمته خلال جلسة مناقشة "محور الاقتصاد والعدالة الاجتماعية" بمؤتمر "حكاية وطن": "لولا هذه الوقفة يجب أن نسجلها ولا ننساها، واحنا المفروض ألّا نعيش على المساعدات، ويجب أن نأخذ القرار الصعب، ولو المصريين لم يوافقوا على القرار الصعب كنا هنمشي، علشان كده بقول خلوا عينكم على مصر، وخلوا بالكم منها علشان محدش ياخدها منكم".

" أنا يومين وماشي.. خلوا بالكم من مصر"
وقال الرئيس عبد الفتاح السيسي إن الإرهاب لا يريد النيل منه شخصيا، مضيفا: "الإرهاب عايز مصر، أنا يومين وماشي، الهدف مصر خلوا بالكم منها، كل واحد لازم يحط عينه على بلده".

وأضاف السيسي، خلال كلمته بمؤتمر "حكاية وطن"، أمس الجمعة: "خلوا بالكم من بلادكم، أيام الإخوان في ناس كتير معتقلين خرجوا من السجون وخدوا عفو بالآلاف، عشان كده الحواجز اتكسرت، والكل بقى يعتدي على مصر بعنف".