أطفال يحاكون "مذبحة الروضة" ويشعلون السوشيال ميديا (صور)

تداول عدد من رواد مواقع التواصل الإجتماعي فيس بوك وتويتر، صور لتلاميذ المدارس أثناء قيامهم بمحاكاة لمذبحة "مسجد الروضة"، والتي راح ضحيتها 305 شهيد من أبناء سيناء، بعد أن اغتالتهم يد الإرهاب خلال تاديتهم صلاة الجمعة، حيث أثارت تلك الصور غضب مستخدمي السوشيال ميديا، وقاموا بشن هجوم علي إدارة تلك المدارس لإدخال الأطفال في تمثيل مثل تلك الجريمة الدموية.
وكتب الصحفي تامر أبو عرب، عبر صفحته على موقع التواصل الإجتماعي "فيس بوك"، قائلا:"فيه شخص عبقري في مدرسة قرر يعمل حاجة "كرييتيف" يعلم التلامذة بيها حب الوطن فملقاش طريقة غير إنه يجسد اللي حصل في مسجد الروضة
أيوة الحدث اللي كل ما بيجي صور منه في التليفزيون بخلي ولادي يدخلوا أوضتهم علشان ميشوفوش الدم ومترتبطش مصر في دماغهم بالمشهد ده، واللي الدولة بعتت دكاترة نفسيين للقرية المنكوبة علشان تحاول تقلل تأثيراته على أهلها اللي نجوا منه، فيه ناس قررت إنه مشهد مناسب جدا علشان يمثله أطفال قدام أطفال وبكل تفاصيله بملثمينه وبدمه وبمسدساته".
وعلقت صاحبة حساب يحمل اسم أمال إبراهيم على الوقعة، قائلة:"بحاول اتجاهل الصورة والموضوع بس مش قادرة، مدرسة بتعيد حادث الروضة والدواعش رافعين علم قطر واسرائيل وتركيا وايران، ده التعليم فى بلادنا نشر ثقافة الموت والخوف".
فيما كان رد فعل إحدي اولياء الأمور، والتي يحمل حسابها أسم الشيماء يوسف،"بجد أنا مش قادره أفهم هم يقصدوا ايه من المشهد العبثي ده ولا قادره افهم برده منظومة التعليم محتاجه تتدمر اكتر من كده لحد فين.. الفكرة إن في مدرسين شافوا الهم ده وسابوهم يعملوا ده.. مشهد قتل عقول أطفالنا".