محمد علي رزق: هكذا استعديت ل"رامز".. ولن أنسى هذا الموقف ل"السقا" (فيديو)

أعرب الفنان محمد علي رزق، عن سعادته حول ردود الأفعال حول شخصيته في مسلسل "الحصان الأسود"، مشيدا بالنجم أحمد السقا، وتعاونه معه.

وتحدث عن تفاصيل الشخصية وترتيبها مع أحمد خالد قائل: "شخصية رامز لما أحمد كلمني عليها وقعدنا قعدت قريت، وأحمد خالد كان عايز لبس مختلف تماما شكل مختلف تماما حتى كنت المفروض هربي دقني بس لظروف شغل تانية معرفتش أربيها ..قعدت أذاكر كده وألبس أنا فاكر اليوم دا كويس نضارة رامز دي صاحب محل النضارات كان هيطردني لأن أحمد قالي عايز شمبر شكله حلو وتفاصيل كتير".

وتابع: "كنا بنذاكر تفاصيل هيشرب سجاير شكلها عامل أزاي.. كتبنا كل التفاصيل اللي ممكن تتكتب.. بصراحة أنا فرحان بالشخصية دي وبحبها.. اشتغلت عليها كويس.. الشخصية دي من أبرز الشخصيات اللي نجحت في المسلسل وعملت تفاعل مع الناس".

وتحدث عن السقا قائلا: "السقا مفيهوش حاجه وحشة، أنا مشوفتش حد زي الراجل دا يعني متعاملتش مع حد في طيبته وأدبه واحترامه لكل الناس بصراحه من أمتع الناس اللي ممكن الواحد يتعامل معاهم في الوسط الفني هو أحمد السقا، واكتر حاجه مش ممكن أنساها من السقا كان يوم عندي تصوير في الحصان الأسود وتصوير في مكان تاني ومشيت متأخر من هنا ورايح مرتبك جدا يعني عشان التصوير التاني روحت اكتشفت إن السقا كلم عمرو عرفة وكلم محمد إمام وكلم ناس كتير قالهم اللي هيكلم محمد علي كأنه زعلني بالظبط".