محمد رمضان: سعيد صالح قال "عليا الطلاق الواد ده يشتغل معايا"

كشف الفنان محمد رمضان، أن مشاركته فى مسرحية "قاعدين ليه؟" مع الفنان سعيد صالح، جاءت قبل العرض بعشر دقائق فقط وهذا الأمر لمن يفهموا العمل المسرحى صعب للغاية.
وأضاف خلال لقائه مع الإعلامية إيمان الحصري على قناة "DMC" قائلا: "دخلت من وراء الأمن لأنهم رفضوا أني أقابل استاذ سعيد صالح، ورحت غرفة ملابسه وقولت له أنا عايز ابقى ممثل ولا شعري أصفر ولا عيني خضراء، وأقدر أمثل أى شخصية فقالي طيب اتنيل مثل، ورحت عمل أكثر من كاركتير، وصوتى ارتفع وانا بمثل ولقيت الممثلين اتلموا وبيبص على وشهم لقاهم مركزين، فقال عليا الطلاق الواد ده هيمثل معايا النهاردة".
وتابع قائلا: "قولت له إيه رايك اعمل ولد جاي من الصعيد بيدور على معهد التمثيل؟، ووافق، وشاف صورتى فى الجرنال ومقال مكتوب عني بأنني أفضل موهوب على مسرح المدرسة ده كان بتاريخ 16مايو 2004".