"هتقضي العيد فين" هاشتاج يحمل خطط صادمة لأجازة العيد.. ونشطاء: السرير طبعًا‎

ساعات قليلة ويحل علينا عيد الفطر المبارك، بمظاهر الفرحة التي يتركها في نفوس الجميع، ومن العادات التي تُصاحب حلول الأعياد، الخروج والذهاب إلى الشواطيء والحدائق العامة، وزيارة الأهل؛ لتقضية أوقات ممتعة خلال الإجازة.
ودشن رواد موقع التواصل الاجتماعي "تويتر" هاشتاج "هتقضي العيد فين"، وجاءت الإجابات صادمة للنشطاء، ولكن حملت طابع الفكاهة والسخرية، وترصد "الفجر" أبرز التعليقات.
في المطبخ
قال أحمد " هقضي العيد في المطبخ لامؤاخذه"، واتفقت معه سما قائلة : "في المطبخ مش هبطل أكل، هنطلق".
مش بتوع خروج
وغردت آية : "خروج أيه وبتاع أيه إحنا مش بتوع خروج ".
السطح
قالت سارة ساخرة : "نغير بقى البيت والأوضة خلينا نطلع على السطح شوية ديه حاجة جامدة اوي".
السخنة وشرم
وقال عمر: "هسافر السخنة و شرم و نقضي وقت جامد و نخربها ".
نشوي فراخ
غرد محمود: "أكيد يعني هتجمع أنا وصحابي ونشوي فراخ وكفته ونفترس كالعادة".
مين هيخرج
سخر محمود: "لما كل الناس هتقضي العيد ف البيت وتتفرج ع العيال كبرت، طيب مين هيروح شرم ومارينا ويخربها الشياطين إلي كانت محبوسه في رمضان".
وأضاف نبيل: "قمه البؤس لما الشعب كله بيقول انه هيقضي العيد ف السرير و البلكونه و الصاله امال شعب مين اللي بيبقي ف الشوارع ده طيب".
على البحر
قال رامي: "في نويبع ع البحر بعيد عن الدوشه والزحمه والشغل".
منافسة بين البيت والسرير
غرد عامر: "زي كل سنه أروح أصلي والحمد لله كده العيد بالنسبالي خلص"، ونشرت منى: "فى البيت مع البسكوييت والكحك، والترمس".
وقال محمد: "3 كيلو بيتيفور و 3 كحك وحط بسكويت كتير انا مبخرجش في العيد .. لازم اتغذى".
وغردت كوثر: "مش عايزه اصدمكم بس احنا كبنات بعد معركة تنضيف البيت،هنقعد نسقى البسكوت فى الشاى، ومش هنخرج فى حتة".
وقال آخر: " أنا محتار اقضيها، في السرير نايم، ولا الليفنج و اتفرج علي التليفزيون هاخربها".