تصدر هاشتاج «هتخربها ازاي في العيد» قائمة الأعلى تداولًا على موقع التواصل الاجتماعي والتغريدات «تويتر»، وذلك استعدادًا لعيد الفطر المبارك غدًا، وأشعل المغردون الهاشتاج بتغريدات تعبر عن الفرحة والبهجة، وأخرى بها نوع من السخرية للترفية وللاحتفال بالعيد. وغرد محمد قائلًا: "هقف مع أصحابي نتفرج على اللي طالعين من الصلا، وبعد كده أروح آكل لحمة ومكرونه باشميل وفراخ، وأنام". وأضافت دعاء: "بعون الله خراب، هخش بوشِّي في الرنجة، وبعدين أخش على الكعك اللي لسه هنجيبوا، وأزأز ترمس، دا أنا هخربها صح". وغرد آخر ساخرًا: "الناس اللي هتخربها خروجات في البيت عايز سؤال، هو شاليه البلكونه احسن ولا الكمومباوند؟".