سالي عبد السلام تثير الجدل بسبب أدائها العمرة بطلاء الاظافر... وهذا ردها!

ردت الإعلامية سالي عبد السلام، على منتقديها بسبب أدائها للعمرة وفي يدها طلاء أظافر.
ونشرت "سالي"، صورتها بالحجاب من الأراضي المقدسة، وعلقت عليها، عبر صفحتها الشخصية على موقع "إنستجرام"، قائلة: "يارب صورة أقرب لكل اللى عنده فراغ وربنا مش شاغل بنفسه رجالة قبل الستات باللى بيقولوا حاطة مانيكير وحاطة ميك آب وروج:) انتوا بجد؟؟ ده سؤال بجد؟؟ استفسار وهرد عليه بجد؟؟! هل في حد طبيعى هيعمل كدة؟؟! أنا هحترمكم لحد ما ارجع حتى لو انتوا مش محترمين حبايبى بس أنا حرة.. أنا لا شخصية عامة ولا معروفة ولا عيب ولا منظرى ولا بالصلى على النبى ياكل معانا الجو ده والأغلبية عارفين! ده أنا أخلاق سواقين".
وأضافت: "ميكروباص ملموش أجرة أقسم بالله.. هخليك /هخليكى تحس أنك أحمق! (أحمق) متدخلش في اللى ملكش فيه:) ألبس اللى يعجبنى وأعمل اللى يعجبنى.. لما تتحاسب عليا أو تاخد ذنبى ابقى انطق! اقطع عنى المصروف:) ركز مع نفسك أحسن.. ربنا يشغلك بنفسك ويبعد عنا امثالكوا بس اختبار من ربنا.. جهاد النفس قول /قولى ماشاء الله دى حاجات حلوة من عند ربنا احسن ومتبقيش بومة أو تبقى غراب،. قرفتونا.. اه انتوا قليلين أنا عارفة أن اللى بيحبوا كتير بس لازم اعرفكم غلطكم بشياكة".
يذكر أن الإعلامية سالي عبد السلام، تعرضت على مدار الأيام الماضية لحملة انتقاد من متابعيها بسبب حرصها على نشر صور من الأراضي المقدسة أثناء أدائها العمرة، بالإضافة إلى اتهام البعض لها بوضع طلاء أظافر ومكياج أثناء تأديتها للعمرة.