بالصور- مذيعة ''المتوحشة'' من المسجد النبوي: حلمت ب''السيسي''

بعدما أثارت المذيعة سالي عبد السلام الجدل منذ عدة أيام، بردها على متابعيها الذين انتقدوا ظهورها في المدينة المنورة بمكياج وطلاء أظافر أثناء أدائها العمرة على حد وصفهم.
قامت المذيعة الشابة بنشر صورة من مؤتمر الشباب، وذلك عبر صفحتها الشخصية بموقع "انستجرام"، تؤكد خلالها أنها حلمت بالرئيس السيسي أثناء وجودها في المدينة المنورة، وعلقت على الصورة قائلة :" أنا مليش في السياسة ولا بحبها، ومهما فهمنا فيها في حاجات كتير أوي ناقصة ومش هنعرفها، القناة الأولى كانت جايبة الريس قبل ما أنزل المسجد النبوي الشريف، وأنا حلمت بالرئيس هنا، بس الراجل ده شايل كتير أوي".
وتابعت "سالي" قائلة "السيسي ب100 راجل، قبل ما يبقى رئيس بلد، هاتلي حد يثق في رجالته وشعبه ويغامر ويشيل كفنه على ايده ويخلصنا من حاجات كتير، سيادة الرئيس عبدالفتاح السيسي، انت راجل عظيم، وأنا حبيتك من حب أبويا وأمي ليك".".
واختتمت "سالي" كلامها قائلة "ده إنت لما باباك بيقولك هنضطر نقلل المصاريف عشان إحنا في ضيقة مبتفتحش بوئك، معلش هحاول بس أبقى مصري والناس عارفة يعني إيه مصر، شعب ملوش كتالوج، إحنا اللي خلينا الاحتلال طفش مننا، إحنا معروفين مفيش حد زينا، اتغظت من زمايلي اللي قابلوك، بس نفسي أتكلم بلغتي، وعلى طبيعتي، المصري معروف بجبروته، إحنا معاك يا ريس".