3 مكالمات هاتفية لقيادات الإرهابية الهاربين يكشفها الجيش الإليكتروني

محمد ناصر لباسم خفاجي : لما تمسك «ريس».. آيات عرابي لازم تمسك المخابرات.. شغلها عالي وأردوغان مهتم بيها

باسم خفاجى
حصل الجيش الالكتروني علي تسجيلات جديدة لمكالمات جرت بين اعضاء الجماعة الارهابية الهاربين «للخارج» تفضح المكالمات التدبيرات والمكائد التي يدبرونها، كما يعترفون فيها بفبركة تسجيلات منسوبة لجهات مختلفة لدرجةأن القاضي الهارب وليد شرابي يؤكد لمحمد القدوسي عدم اقتناعه ببعضها، ويقول بالنص: «ياجماعة اشتغلوا بحرفية أكثر.. «ما ممكن الحكاية تتفقس»، كما يواصل الهاربون احلامهم فيقومون بتوزيع المناصب إما عن طريق الوعود التي يطلقها باسم خفاجي القيادي الهارب او عبر المجاملات. تدور المكالمة الاولي بين خفاجي ومحمد ناصر مذيع قناة الشرق، أما الثانية فبين شرابي والقدوسي. ويعود خفاجي للظهور في المكالمة الثالثة التي جرت مع عمرو فراج.
المكالمة الاولي بين باسم خفاجي ومحمد ناصر.
محمد - الو ازيك يا مولانا متشكر جدا وصل الشيك وصرفته كمان بس ده كتير والله وانا مبعملش غير الواجب.
باسم: لا انت تستحق يا محمد وطريقتك والقائك جميل عاجب الجماعه اوي اوي
محمد - الشكر ليك يا مولانا وللاخوة هنا في تركيا وعلي فكرة اكتر واحدة تستحق الشكر ايات عرابي
انا كمان اتصلت بيها هناتها علي الشغل العالي وعلي فكره
لما تمسك ريس يا مولانا ايات دي لازم تمسك المخابرات
باسم: ههههههههه حبيبي يا ناصر باذن الله قريبا وعاوز اقول لك ان اردوغان عارفها بالاسم ومهتم بيها جدا جدا كفاية ان هي حلقة وصل مهمة مع الامريكان.
محمد: الامريكان اختاروا فعلا صح خصوصا بعد انتهاء دور عمرو العفيفي.... مكانش ليه كاريزما والناس فقسته بسرعة اوي اسرع مما تتخيل، انما ايات وضع تاني، ست وليها شعبيه وفعلا مساعدانا اوي في اللي احنا بنعمله وليها جمهور بيصدقها.
باسم: علي فكرة انا عاوز اقابلك انت ومعتز مطر علشان اديكوا حاجات مهمة اوي ومش حتنفع في التليفون ولا حتي علي الميل، الحاجات مهمة فعلا.
محمد: باذن الله يا مولانا حدد انا ومعتز ونرد عليك بس احنا اليومين دول مشغولين جدا زي ما انت عارف
باسم: وفقكم الله معتز اخد الشيك ولا لسه
المكالمة الثانية بين وليد شرابي ومحمد القدوسي الكاتب
قدوسي: ازاي بأه يا سيادة المستشار.... ده انت وزير العدل القادم
شرابي: انا املي فيكم وفي ربنا كبير اوي ولو حصل ده فعلا حفجر المنظمة خالص
قدوسي - باذن الله الرجالة شغالة اهي وخلي بالك اهم حاجة الجيش والقضاء والداخلية، لو فعلا وصلنا للناس ان التلات وزارات دي تعبانين اتأكد تمام اننا راجعين تاني
شرابي - ايوه بس انا معجبنيش خالص التسجيلات اللي بتقولوا فيها انها تسريب لوكلاء نيابة... يا جماعة اشتغلوا بحرفية اكتر ما ممكن الحكايه تتفقس
القدوسي - يا سيادة المستشار... اهم حاجة عمل ضجة وخلاص وكده كده الناس حتصدق وما حدش حيتابع ورانا ولا حد بيسال وخلي بالك مهما كلمت الناس ولا حاولت تفهمهم اللي في دماغهم في دماغهم بس ادينا بنحاول وشغالين.
المكالمة الثالثة بين باسم خفاجي وعمرو فراج
عمرو - الو ايوه يا مولانا انا شغال اهو نار وباذن الله حنخليهم ما يتهنوش علي ثانيه واحدة من غير قلق
باسم - يا عمرو لازم تفهم ان «رصد» أصبحت واحدة من اكثر الادوات اللي مهيجة الدنيا وهو ده بالضبط المطلوب... الصراحه انت وآيات عرابي اكتر اتنين شايفين شغلكوا وححاول اخد شويه تسجيلات مضروبة تذيعها عندك في رصد علشان الموضوع ميبقاش من قناة الشرق او معتز مطر بس. لازم ننوع علشان نخلي المتابع يفتكر ان التسريبات نازلة ترف وان السيسي مش عارف يحافظ علي امن مكتبه وفي نفس الوقت القضاء متحكمين فيه وبالامر اي حكم يعرفوا يغيروه انت باه يا عمرو علي ما ايات تبعت الحاجة بتاعة الداخلية عاوزك تحاول تسخن العالم علي قد ما تقدر علشان الهجوم يكون من كل مكان
عمرو - ما تخافش يا كبير انا باذن الله حخليهملك ما يعرفوش يناموا بس اهم حاجة بأه ما يعرفوش ان القدوسي بيكلم محمد حسين لانه لو اتعرف كل حاجة حتبوظ ويا ريت انت تتدخل بنفسك يا كبير
باسم - حاضر يا عمرو اهم حاجة بس انزل باعلانات ممولة كتير علشان الناس ابتدت تزهق وما تكررش نفس الكلام كل مرة وخلي بالك التواصل الاجتماعي اصبح مؤثرا اكتر بكتير من القنوات والله كل القنوات اخبارها من شبكات التواصل الاجتماعي يا عمرو انت من ناحية وآيات من ناحية وحتولع باذن الله.... حفكرك يا عمرو انا حخليك وزير اعلام بس نخلص من البلاوي اللي في مصر دي.