بسمة وهبة تكشف سبب اعتذار سما المصري عن حضور حلقة معها

كشفت الإعلامية بسمه وهبة، أن السبب الرئيسى لإعتذار سما المصري، عن إستضافتها لها يعود الى مكالمة تليفونية جاءت لها أثناء الاتفاق بينهما على الحلقة، حيث قالت وهبة: "كان اجتماعنا مع سما فى منتهى الاحترام، وكانت موافقة على الحلقة، وفجأة جالها مكالمة من رقم خاص، وبعدها لقيت سما من واحدة بتضحك وسعيدة تحولت لحاجة تانية، انهيار قهر وعياط، بعد التليفون".
وأضافت خلال برنامج "هتكلم" على قناة "القاهرة والناس" قائلة": "واحدة خائفة وبتترعش وعينها مرغرغة بعد التليفون، ولاحظت التغير وسألتها عن السبب انفجرت عياط، وقالت لى انتو جبتوا الكلام اللى اتنشر فى البرومو منين عن "علاقتى برجل مهم"، رديت عليها وقولت لها ان دى اشاعة طالعه ممكن تأكدها او تنفيها خلال الحلقة، يعنى انتى يا سما اتشتمى واتبهدلتى اية اللى زعلك انى اقول ان فى اشاعة عن جوازك برجل مهم، وبعدين دى شائعة جواز مش علاقة غير شرعية".
وتابعت قائلة: "قولت ل سما ان الجملة دى لو عملت مشكلة ممكن مسألكيش فيها ابدا وانا كلمتى عقد، لقيت سما انهارت وقالت لى مش هعمل الحلقة ومش هطلع على الشاشة، وجالها التليفون من الرقم اللى بيجيلها ومش بيظهر، وسيبتها عشان تتكلم براحتها، ولما رجعت لقيتها مشيت".