رسالة محرجة من كريم مأمون ل"شيرين عبد الوهاب" بسبب عمرو دياب (صورة)

أعرب الفنان الشاب كريم مأمون، عن استيائه الشديد مما قالته المطربة شيرين عبد الوهاب، إذ صرحت أن "عمرو دياب عجز وكبر في السن"، وسرد مأمون، موقف حدث له في أحد الأفراح، مع "الهضبة".
ونشر مأمون، عبر حسابه الشخصي بموقع التواصل الاجتماعي "فيسبوك": "اللي عايز تعرف مين عمرو دياب
كنت معزوم في فرح بنت سيدة الأعمال منى عبود.. المهم لقيت الشركه عندها اتصلو بيا وبيأكدو عليا الحضور الساعه 9.. استغربت التأكيد والساعة.. سألت ليه قالولي عشان عمرو دياب هايغني الساعه 10 المهم روحت الساعه 9.30 لاقيت القاعة مليانة.. المهم لاقيت رجال أعمال وقضاه وفنانين وسيجار وشياكه وتناكه وشوهات جامدة كدة.. المهم ول ماطلع عمرو دياب لاقيت كل التناكة والبدل ديه بقيت أكنها في طابور عيش نفسها تتصور مع عمرو دياب".
وأضاف قائلا: "وبعدين جيبت وسطة عشان اعرف اوصلو من الزحمه عشان اتصور معاه والغريب بقي كان قاعد معايا علي نفس الترابيزة الحاج أحمد السبكي، أول ما رجعت قاعدت قالي انا بحقد عليك قولتلو ليه ياحج قالي عشان انت اتصورت مع عمرو دياب.. ياجماعة الغرض من القصه ديه في نجوم مش هاتعرف تتكلم عليهم طول عمرك غير انك نفسك تنجح زيهم.. مصر كفايه فيها عمرو دياب ياشيرين عمرو دياب مش بيعجز عندة رصيد لحد ولادك لما يعجزو".