عبير صبرى: "قولت لأختى لو هتمثلى يبقى سيبى البيت وامشى"

كشفت الفنانة عبير صبرى، أنها عارضت قرار شقيقتها مروة بخوضها تجربة التمثيل، حيث قالت: "اختى اتعرض عليها تمثل، وكان دور بطولة أمام نجم كبير، وقولت لها لو فكرتى تمثلى سيبى البيت وإمشى الأول".
وأضافت خلال لقائها فى برنامج "الستات ميعرفوش يكدبوا" على قناة CBC قائلة: "انا خايفة عليها لان التمثيل تجربة صعبه، ومروة مش هتتحمل الغيرة والمنافسة الشديدة والمعاملات تحت الترابيزة وفوق الترابيزة ولا اقصد شىء اخلاقى، وانما هى كمذيعة بتضايق لما تكون مع مذيعين كتير فى نفس البرنامج، وبالتالى لما تبقى فى عمل فنى مش هتكون سعيدة لان التمثيل بطولة جماعية ومش كل الناس بتوصل تبقى رقم واحد وفى النهاية مصيرها لو دخلت الفن انها واللى معاها هيضربوا بعض فى الاخر ومش هتستحمل، بالاضافة ان التمثيل يتضمن جهد كبير".