رامى جمال يشارك فى هاشتاج "ادعم تامر" بعد تسريب أحدث ألبوماته "عمرى ابتدا"

دعم المطرب الشاب رامى جمال، صديقة الفنان تامر حسنى، بعد تسريب ألبومه قبل طرحه بموعده ليشارك به فى السباق الغنائى بصيف 2016.
وكتب رامى رسالة خاصة ناشد من خلالها دعم جمهوره بهشتاج "ادعم تامر" وكتب: "اكتر شئ محبط و مؤذي و متعب لأي فنان او اي انسان عادي حتى انه يشوف مجهوده و تعبه و انتاجه و اخلاصه موضع استهتار و استخفاف و اهمال و الاصعب انه يكون من ناس قريبة منه و المفروض انها أمينة على شغله و مجهوده ، الضربة اللي مبتموتش بتقوي و خصوصا لما اللي ياخد الضربة اصلا قوي".
وتابع رامى،:"اللي حصل مع صديقي و اخويا "تامر حسني" من استهتار في التعامل مع شغله و نتج عنه تسريب الالبوم قبل معاده موضوع محتاج وقفة كبيرة و اعادة ترتيب اولويات و حسابات ، بس في الاخر نحمد ربنا على اللي حصل و تامر اقوى من الهزة دي".
وأضاف رامى، قائلا :"اللي نقدر كلنا نعمله اننا ندعم فديوهات الاغاني من على قناة تامر حسني الرسمية لحين طباعة الالبوم و نزوله في السوق و ارجوا من الجميع و خصوصا اللي بيحبوني او متابعيني انهم يشتروا السي دي الاصلي فور نزوله ، و ده دعم لفنانك المفضل عشان يقدر يستمر في انه يقدملك المنتج اللي بتحبه ، و ارجوا المشاركة بالهاشتاج ده".