رامى جمال يدشن حملة "ادعم تامر" بعد تسريب الألبوم الجديد لنجم الجيل

دشن الفنان الشاب رامى جمال حملة "ادعم تامر" لدعم نجم الجيل الفنان تامر حسنى، بعد تسريب ألبوم الأخير "عمرى ابتدا" قبل طرحه بوقت، مطالبًا جمهوره بدعم فيديوهات الأغانى من قناة تامر الرسمية لحين طباعة الألبوم وتوزيعه فى السوق.
وقال جمال فى منشور عبر حسابه الرسمى بموقع التواصل الاجتماعى فيس بوك "اكتر شىء محبط ومؤذى ومتعب لأى فنان أو أى إنسان عادى حتى أنه يشوف مجهوده وتعبه وإنتاجه وإخلاصه موضع استهتار واستخفاف وإهمال والأصعب أنه يكون من ناس قريبة منه والمفروض إنها أمينة على شغله ومجهوده، الضربة اللى مبتموتش بتقوى وخصوصًا لما اللى ياخد الضربة أصلا قوى".
وأضاف "اللى حصل مع صديقى واخويا "تامر حسنى" من استهتار فى التعامل مع شغله ونتج عنه تسريب الألبوم قبل ميعاده موضوع محتاج وقفة كبيرة وإعادة ترتيب أولويات وحسابات، بس فى الآخر نحمد ربنا على اللى حصل وتامر أقوى من الهزة دى".
واستطرد "اللى نقدر كلنا نعمله أننا ندعم فيديوهات الأغانى من على قناة تامر حسنى الرسمية لحين طباعة الألبوم ونزوله فى السوق وأرجو من الجميع وخصوصًا اللى بيحبونى أو متابعينى أنهم يشتروا السى دى الأصلى فور نزوله، وده دعم لفنانك المفضل عشان يقدر يستمر فى أنه يقدملك المنتج اللى بتحبه، وأرجو المشاركة بالهاشتاج ده".
فيما شارك الكثيرون فى الحملة التى دشنها رامى جمال معبرين عن دعمهم الكامل لتامر حسنى فى الأزمة التى واجهت ألبومه الجديد.
موضوعات متعلقة..
تامر حسنى يرد على تهنئة رامى جمال بالألبوم الجديد: "يا أبو المحترمين يا عسل"